පළමු එක් දින තරගයේ පන්දු යවමින් සිටිය දී ආබාධයකට ලක් වූ වනිඳු හසරංග ඉන්දියා ශ්රි ලංකා තරගාවලියේ ඉදිරි තරග දෙකෙන් නිවාඩු ගන්වා තිබේ.
ක්රිකට් ආයතනය අද (03 ) රාත්රියේ නිවේදනය කළේ ඔහුගේ ආබාධ තත්ත්වය එම්.ආර්.අයි ස්කෑන් මගින් ද සනාථ වී ඇති බවත් මේ වනවිට ඔහු පුනරුත්ථාපන ක්රියාවලිය යොදවා ඇති බවත් ය.
දෙරට අතර පළමු එක්දින තරගයේ වනිඳු ඔහුගේ 10වැනි පන්දුවාරය යොමුකරමින් සිටියදී වම් පාදයේ ආබාධයකට ලක්විය.
ශ්රී ලංකා ක්රිකට් ආයතනය කළ නිවේදනය අනුව හසරංග වෙනුවට ජෙෆ්රි වැන්ඩර්සේ කණ්ඩායමට කැඳවා ඇත.
මෙම තරගාවලියේ දී ශ්රී ලංකාවේ ප්රධානම වේග පන්දු යවන්නන් සිවු දෙනා ද මේ වනවිට කණ්ඩායමේ සිටින සුපිරි දඟ පන්දු යවන්නා ද තරගාවලියෙන් විවේක ගන්වා තිබේ.
