දිනසේන රතුගමගේ
මේ වසන්ත සමයේදී සියළුම දෙනා කතා කරන්නේ නුවරඑළිය හග්ගල පිළිබදවය.
ඒ මල් උයන් වල පිපී ඇති විවිධාකාර මල් අගය කරති.
යාපනයේ සිට පුනරීන් මාර්ගය ඔස්සේ ගමන් කරණ විට පුනරීන් රෝහල අසල වූ වැව් ඉස්මත්තත් වෙල් යායත් අතර මුලු කලාපයටම වසන්තය පැමිණ ඇති අයුරු දැක ගත හැකි විය.
ඒ බිම් තීරුවේ නා නා වර්ණයන්ගෙන් යුත් නා නා මාදිලියේ මල් එකක් දෙකක් නොව වත්තක්ම මේ දිනවල පිපී තිබේ. අවාසනාවකට ඒ අවට ගම්වාසීන් මේ මල් වර්ග වල නම් නොදනිති.
කැළෑ මල් වූවත් පළාතටම චමත්කාරයක් ගෙන දෙන මේ මල් ගොමුව පරිසරය තවත් හැඩ කරමින් නිසොල්මනේ සුළග සමග මුසුව පළාතම සුවදවත් කරයි.
