හැටන් – රංජිත් රාජපක්ෂ –
වතු වෘත්තීය සමිති සදහා 2026 වසරට සාමාජිකයන් බඳවා ගැනීමට වතු කම්කරුවන් වෙත නිකුත් කරන ලද ඉල්ලුම්පත්වලින් වැඩි ඉල්ලුම්පත් ප්රමාණයක් ජාතික ජන බලවේගයට ලැබී ඇති බව වතු අධිකාරිවරුන් පැවසීය.
වසරකට දෙවතාවතක් වතුකරයේ තම වෘත්තිය සමිතියට සාමාජිකයන් බඳවා ගැනීම සඳහා ඉල්ලුම්පත් නිකුත් කරන බවත්, ඒ අනුව 2026 මුල් කාර්තුව සදහා ජාතික ජන බලවේගයේ වෘත්තීය සමිතියට සාමාජිකත්වය ලබා ගැනීමට වතු කම්කරුවන් වැඩි පිරිසක් කැමැත්ත ප්රකාශ කර ඒ පිලිබඳ වතු පාලන අධිකාරිය වෙත දැනුම් දී ඇති බවද එම වතු අධිකාරිවරුන් පැවසීය.
කාලයක් තිස්සේ වතුකරයේ ප්රබල වතු වෘත්තිය සමිති නියෝජනය කළ වතු කම්කරුවන්ද මෙවර ජාතික ජන බලවේගයේ සාමාජිකත්වය ලබා ගැනීම හමුවේ එම ප්රබල වෘත්තීය සමිතිවල සාමාජිකත්වය විශාල වශයෙන් පහළ වැටී ඇති බව වතු අධිකාරිවරු කියා සිටියහ.
වතු කම්කරුවන්ගේ දෛනික වැටුප 2026 පෙබරවාරි මාසයේ රු.1750ක් දක්වා වැඩි කිරීමට පියවර ගැනීමත් සමග ජාතික ජන බලවේගයේ සාමාජිකත්වය ලබා ගැනීමට වතු කම්කරුවන් තීරණය කර ඇති බව පැවසූ වතු අධිකාරිවරුන් වැඩි දුරටත් කියා සිටියේ, වතුකරයේ කුඩා වෘත්තීය සමිතිවල සාමාජිකත්වය දැරූ සාමාජිකයන් සියලු දෙනා මේ වන විට එම වෘත්තීය සිමිතිවලින් ඉවත් වී ඇති බවය.
