-
ගෑස් සිලින්ඩරයෙන් තරග කළ නිමල් සිරිපාල ද සිල්වා සහ හරීන් ප්රනාන්දු විසිවෙයි… පළපුරුදු චාමර සම්පත් නීති හදන්න ඇතුළට යයි…
මනාප ඡන්ද ප්රතිඵල නිකුත් වෙමින් තිබේ. මේ වනවිට බදුල්ල, හම්බන්තොට, ගාල්ල, පොලොන්නරුව දිස්ත්රික්කවල මේ වනවිට මනාප ප්රතිඵලය නිකුත් වී ඇත.
බදුල්ල දිස්ත්රික්කයේ මනාප ඡන්ද ප්රතිඵලය ඉතිහාසය වෙනස් කර තිබේ. වතු ලැයිමක වතු කම්කරු යුවලකට දාව ඉපදුන වතුකරයේ තරුණියක් පාර්ලිමේන්තුවට තේරී පත් වී ඇත. ඇය අම්බිගා සැමුවෙල්ය. ඇය ජාතික ජන බලවේගයෙනි.
වතු කම්කරු ප්රජාව නියෝජනය කරමින් තවත් වතු කම්කරුවෙක් වූ කිට්නන් සෙල්වරාජ් ද පාර්ලිමේන්තුවේය. ඔහු වසර 36කට වඩා වැඩි කාලයක් ජනතා විමුක්ති පෙරමුණ හා දේශපාලනය කරමින් මේ වනවිට ජාතික ජන බලවේගයේ ජාතික විධායක සභාව නියෝජනය කරන දේශපාලන පරිනතියක් සහිත කම්කරු නායකයෙකි. විශේෂත්වය වන්නේ වතු කම්කරු ප්රජාව වෙනසකට තබා ඇති බරය.
බදුල්ල දිස්ත්රික්කයේ ජාතික ජන බලවේගයේ දෙවැනි සහ තුන්වැනි ස්ථාන ලබා ගෙන ඇත්තේ මේ වතු කම්කරු පවුල්වලින් පැමිණි වතු කම්කරු දේශපාලන නායකයන්ය. බදුල්ල දිස්ත්රික්කයේ දෙවැනි හා තුන්වැනි වැඩිම මනාපත් ඔවුන්ගේය.
තවත් විශේෂයක් තිබේ. ගෑස් සිලින්ඩරයෙන් තරග කළ නිමල් සිරිපාල ද සිල්වා මෙන්ම හරීන් ප්රනාන්දු ද එළියේ ය. ඔවුන් තම නීති සම්පාදක නියෝජිතයා ලෙස පාර්ලිමේන්තු යවන්නට තෝරාගෙන ඇත්තේ චාමර සම්පත්ය.
බදුල්ල දිස්ත්රික් මානප ඡන්ද ප්රතිඵලය මෙසේය.
ජාතික ජන බලවේගයේ
- සමන්ත විද්යාරත්න – 208247
කිට්නන් සෙල්වරාජ් – 60041
සැමුවෙල් අම්බිගා – 58201
රවින්ද්ර බණ්ඩාර – 50822
සුදත් බලගල්ල – 47980
දිනිඳු සමන් – 45902
සමගි ජන බලවේගය
- නයන වාසල – 35518
චමින්ද විජේසිරි – 29791
නව ප්රජාතන්ත්රවාදී පෙරමුණ
- චාමර සම්පත්- 19359
