හදිසි අවස්ථාවක දී ආනයනය කරන ඖෂධ පරීක්ෂා කිරීමට කල්ගත කළ නොහැකි බවත් ලෝකයේ ඕනෑම හොඳ ඖෂධයක් පාවිච්චි කළද ලක්ෂයකට එක් අයෙක් හෝ දෙන්නෙක් අසාත්මිකතා ඇති වී මිය යෑම සාමාන්ය දෙයක් බවත් ජනාධිපති වෘත්තීය සමිති අධ්යක්ෂ ජනරාල් සමන් රත්නප්රිය පවසයි.
ජනාධිපති වෘත්තීය සමිති අධ්යක්ෂ ජනරාල් වීමට පෙර ඔහු රාජ්ය හෙද නිලධරීන් ගේ සංගමයේ සභාපතිවරයා ලෙස කටයුතු කළේය.
අද (15) අත්තනගල්ලේ පැවති ජනහමුවක් අමතමින් පැවසුවේ රැස්වීමක් අමතමින් සමන් රත්නප්රිය පැවසුවේ මේසේය.
“ ලෝකයේ ඉතාම හොඳ බෙහෙත් දුන්නත් ලක්ෂයකට එකක් දෙකක් අසාත්මිකතා ඇති වෙනවා. මිය යෑම් සිද්ධ වෙනවා. ලංකාවෙ විතරක් නෙමෙයි. එංගලන්තෙත් එහෙමයි. ජර්මනියෙත් එහෙමයි. ප්රංශයෙත් එහෙමයි. “
“ මේ ගෙනාපු බෙහෙත ලියාපදිංචි කළ බෙහෙතක්. ලෝකයේ පාවිච්චි කරන බෙහෙතක්. එංගලන්තයේ පාවිච්චි කරන ඇමරිකාවේ පාවිච්චි කරන ජර්මනියේ පාවිච්චි කරන බෙහෙතක්. ඒ නිසා ඒක උඩ මේක සිද්ධ වුනේ නෑ කියන කාරණය හරි පැහැදිලියි.”
“ අද මේක උස්සගෙන දඟලනවා විපක්ෂය බාල බෙහෙත් නිසයි මේක සිද්ධ වෙන්නෙ කියලා. හදිසි අවශ්යතාවයක ඉන්නකොට එංගලන්තයෙන් ගේන සහනාධාර බෙහෙත ඉන්දියාවෙන් ගේන සහනාධාර බෙහෙත ලියාපදිංචි කරකර පරික්ෂා කර කර මාස තුන හතර කල්ගත කරන්න බෑ. ඒක එංගලන්තයේ පාවිච්චි කරනවා නම් ඉන්දියාවෙ පාවිච්චි කරනවා නම් ඒ බෙහෙත අපිට දෙන එක ගැටලුවක් වෙන්නේ නෑ.
ඒවා හදිසි මිලදී ගැනීම ්විදිහටත් අපි පාවිච් කළා. ව්යසනයක දී සෞඛ්ය ක්ෂේත්රයේ හැසිිරීම එක විදිහක්. සාමාන්ය තත්ත්වයේ දී සෞඛ්ය ක්ෂේත්රයේ හැසිරීම තව විදිහක්.”
