ඊයේ (02) රාත්රී ඇතිවූ හදිසි රෝගී තත්ත්වයක් හේතුවෙන් රක්ෂිත බන්ධනාගාරගතව සිටින හිටපු රාජ්ය අමාත්ය ලොහාන් රත්වත්තේ කොළඹ ජාතික රෝහලට ඇතුළත් කළ බව බන්ධනාගාර මාධ්ය ප්රකාශක ගාමිණී බී දිසානායක සඳහන් කළේය.
ඔහුගේ සෞඛ්ය තත්ත්වය පිළිබඳව අවධානය යොමුකරමින් වෛද්ය ප්රතිකාර සඳහා යොමුකරන ලෙස මහෙස්ත්රාත්වරයා නිර්දේශ කිරීම හේතුවෙන් ලොහාන් රත්වත්තේ බන්ධනාගාර රෝහල වෙත යොමුකිරීමට පියවර ගෙන තිබුණි.
ඔහු ශ්වසන අපහසුතාවයකින්, සිරෝසීස් රෝගයෙන්, පෙනහළු සහ අග්න්යාශය ආශ්රිත රෝගී තත්ත්වවලින් පෙළෙමින් සිටින බව බන්ධනාගාර රෝහලෙන් සිදුකළ වෛද්ය පරීක්ෂණයෙන් පසු නිකුත් කළ වාර්තාවේ සඳහන් විය. එමෙන්ම හෙට දිනයේ දී ඔහුව බන්ධනාගාර රෝගීන් යොමු කරන කොළඹ ජාතික රෝහලේ විශේෂඥ වෛද්යවරියගේ අධීක්ෂණයට ලක් කිරීමට සූදානම්ව සිටියේය. ඔහුව ජාතික රෝහලට ඇතුළත් කර ඇතතේ ඒ අතරය.
නීතිවිරෝධී අයුරින් විදේශයකින් මෙරටට ගෙන්වා එකලස් කරන ලද සුඛෝපභෝගී මෝටර් රථයක් භාවිත කිරීමේ චෝදනාවට අදාළව පසුගිය 31 වනදා අත්අඩංගුවට ගත් ලොහාන් රත්වත්තේ නුගේගොඩ වැඩබලන මහෙස්ත්රාත්වරයා හමුවට ඉදිරිපත් කිරීමෙන් පසු ලබන 7 වනදා දක්වා රක්ෂිත බන්ධනාගාර ගත කෙරුණි.
