ශ්රියානි විජේසිංහ –
කොළඹ නගරයේ පවත්වන දන්සැල් පරික්ෂා කිරීමට මහජන සෞඛ්ය පරික්ෂකවරුන් 47දෙනෙකු කණ්ඩායම් 6ක් ලෙස යොදවා ඇතැයි කොළඹ ප්රධාන මහජන සෞඛ්ය පරික්ෂක සමන්ත කුමාර සඳහන් කරයි.
මෙම කණ්ඩායම් 6ක සෞඛ්ය වෛද්ය නිලධාරීන් 6 දෙනෙකුවිසින් අධික්ෂණය කරන බවද හෙතෙම පැවසුවේය.
දන්සැල දීමට පෙරදින එම ස්ථානය මහජන සෞඛ්ය පරික්ෂකවරුන්ගේ පූර්ණ පරික්ෂාවට ලක් කරන අතර මෙහිදී දන්සලට පානීය ජල සැපයුම ලබා ගන්නා ආකාරය, කසළ බැහැරකරන අන්දම, විශේෂයෙන්ම සොයා බලන අතර ආහාර පිසින පුද්ගලයින් යම් බෝවන රෝගී තත්ත්වයන්ගෙන් පෙලෙන්නන්ද යන වගද විශේෂයෙන් අධීක්ෂණය කරන බව හෙතෙම පැවසුවේය.
ආහාර පිසින පුද්ගලයින් අත්වැසුම් හා හිස් වැසුම් පැළදීම අනිවාර්යය කර ඇති අතර ආහාර පිළියෙළ කරන භාජන පිලිබඳව විශේෂ අවධානයද යොමුකරන බව ප්රධාන මහජන සෞඛ්ය පරීක්ෂකවරයා පවසයි.
කොළඹ නගරයේ දන්සැල් 196ක් මේ වන විට ලියාපදිංචි වී ඇති අතර බත් දන්සල් 53ක් සහ අයිස්ක්රීම් දන්සැල් 52ක් ද සිසිල් බීම දන්සැල් 27ක් ද මේ වන විට ලියාපදිංචි කර ඇති දන්සල් අතර පවතින බව ද ඔහු පැවසුවේය.
