ලසන්ත වික්රමතුංග ඝාතකයින්ට දඬුවම් ලැබෙන බවත්, එම ඝාතනය අපරාධය සම්බන්ධව නිසැකවම නීතිය ක්රියාත්මකවන බවත් ලසන්ත වික්රමතුංග ඝාතනය සිදුවී 16 වසරක් පිරෙන අද (08) අධිකරණ ඇමති හර්ෂණ නානායක්කාර පාර්ලිමේන්තුවේ දී සහතික වුනේය.
සියල්ලම නිවැරදිව සිදුවන බව පැවසූ ඔහු ඉදිරියේ දී සිදුවන දේ සම්බන්ධව අවධියෙන් සිටින ලෙස ඉල්ලා සිටියේය. ඇමතිවරයා මේ බව ප්රකාශ කළේ ලසන්ත වික්රමතුංග ඝාතනයෙන් 16 වැනි සංවත්සරය දා බොරැල්ල කනත්තට පැමිණ ඔහු වෙනුවෙන් පහනක් දල්වා පාර්ලිමේන්තුවට පැමිණි පාර්ලිමේන්තු මන්ත්රී රාවුෆ් හකීම් පාර්ලිමේන්තුවේ දී කළ ප්රකාශයකට පිළිතුරු දෙමිනි.
ඔහු පැවසුවේ සාක්ෂි සාධක ඕනෑ තරම් සොයා ගත හැකිව තිබිය දී, ලසන්ත වික්රමතුංග විසින් අධිකරණයේ පැවරූ නඩු ගණනාවක නඩු නිමිතිවලින් තොරතුරු සොයා ගත හැකිව තිබිය දී ජනාධිපතිවරුන් 04 දෙනෙකුගේ කාලය තුළ මහ මග මරා දැමූ මේ ජනමාධ්යවේදියා සම්බන්ධන නඩුව ගොනුකරගත නොහැකි වූ බවය.
කුප්රකට මිග් ගනුදෙනුවට සම්බන්ධව මතුවුන සිදුවීම් අතර ලසන්තගේ මාධ්ය භාවිතයට ඉඩ දුන් සිරස රූපවාහිනියේ ප්රධාන පාලක මැදිරියට ප්රබල බොම්බ ප්රහාරයක් එල්ල වීමත්, ඊට දින දෙකකට පසු ලසන්තව මහ මග මරා දැමීමත් ඇතුළු විශාල තොරතුරු ප්රමාණයක් ලසන්තගේ බිරිය විසින් පොතක් මුද්රණය කර පල තිබුණු ආකාරය අවධාරණය කළ රවුෆ් හකීම් මන්ත්රීවරයා සොයා ගත හැකි නිශ්චිත සාධක මත සිටිමින් පොලිසියත් නීතිපති දෙපාර්තමේන්තුවත් මුනිවත රැකි ආකාරය දැඩිව විවේචනය කළේය.
“උපාලි තෙන්නකෝන්, කීත් නොයා ගැන විමර්ශන සම්පූර්ණ කරලා තියෙන්නේ. එහෙමනම් නඩු අවසන් කරන්න ඕන. ලසන්තගේ ඝාතන සිද්ධියට සාධාරණ නඩු විභාගයක් පැවැත්වෙන්න ඕන. මාධ්යවේදීන් මහ මග මරා දමන රටක ඒ අපරාධවලට යුක්තිය ඉටුවෙන්නෙ නැති නම් කොහෙමද ආයෝජන ගලාගෙන එන්නේ. ”
අධිකරණ ඇමතිවරයා එහිදී අවධාරණය කළේ මෙතෙක් මෙම විමර්ශන කටයුතු සඳහා පැවති සියලුම බාධාක ඉවත් කර ඇති බවය.
