තනි ආයතනයක් ලෙස ශ්රී ලංකාවේ ප්රධානම ණය හිමියා වූ චීන එක්සීම් බැංකුව ජනාධිපති රනිල් වික්රමසිංහ වෙත ලිපියක් එවමින් වසර දෙකක් සඳහා ශ්රී ලංකාවට ණය සහන කාලයක් ලබා දීමට එකඟතාවය පල කර ඇතැයි සන්ඩේ ටයිම්ස් වාර්තා කරයි.
එමෙන්ම ජාත්යානත්ර මූල්ය අරමුදලේ ණය ප්රතිව්යුහගත වැඩසහටනට ඔවුන් තම සහාය ලබා දෙන බව ද එක්සීම් බැංකුවේ ප්රධානියා ජනාධිපතිවරයා වෙත යැවූ ලිපියේ සඳහන් බව එම වාර්තාවේ සඳහන් වේ.
එක්සීම් බැංකුව විසින් මෙම දැනුම්දීම සිදුකර ඇත්තේ ශ්රී ලංකාවේ ණය ප්රතිව්යුහගතකරණය සම්බන්ධයෙන් චීනයේ ස්ථාවරය අද (22) දිනයේ ජාත්යන්තර මූල්ය අරමුදලට ලිඛිතව දැනුම් දිමට නියමිතව තිබියදීය.
ශ්රී ලංකාවේ ප්රධානම ණය හිමිකරුවා වූ චීනය ඩොලර් බිලියන 7.4ක ණයක් ලංකාවට ලබා දී තිබේ. ඉන් ඩොලර් බිලියන 4කට වඩා ප්රමාණයක ණය ලබා ලංකාවට ලබා දී ඇත්තේ චීන එක්සීම් බැංකුව විසිනි.
චීනය තමන් ලබා දුන් ඉතිරි ණය ප්රමාණය ද ප්රතිව්යුහගත කරමින් ජාත්යාන්තර මූල්ය අරමුදලේ ව්යාපෘතියට සහය පල කරනු ඇතැයි විශ්වාසය පලවී ඇත.
මෙරට ණය ප්රතිව්යුහගත කිරීම සම්බන්ධයෙන් ඉන්දියාව විසින් සිය ස්ථාවරය පසුගිය 16 වැනිදා ජාත්යන්තර මූල්ය අරමුදලට ලිඛිතව දැනුම් දී තිබුණි.
චීනය සහ ඉන්දියාව මෙරටට ප්රධානතම ණය ලබාදුන් රටවල් දෙක වන අතර ඔවුන්ගේ ස්ථාවරය හිමිවීමෙන් පසු ජාත්යන්තර මූල්ය අරමුදල විසින් ශ්රී ලංකාවට ලබාදෙන ණය පහසුකම පිළිබඳ සිය එකඟතාව පළකිරීමට නියමිත බව වාර්තා වේ.
