රෝහල් සහ සෞඛ්ය ආයතනවල කළු කොඩි ප්රදර්ශනය කිරීම තහනම් කරමින් සෞඛ්ය අමාත්යාංශය විසින් චක්රලේඛයක් නිකුත් කර තිබේ.
2023 මාර්තු 24 දිනැති එම චක්රලේඛය සෞඛ්ය ලේකම්වරයා විසින් අත්සන් කර පළාත් සෞඛ්ය ලේකම්වරුන් සහ පළාත් සෞඛ්ය සේවා අධ්යක්ෂවරුන් වෙත යොමු කර ඇත.
රෝගීන්ගේ සහ කාර්ය මණ්ඩලයේ මානසික සෞඛ්යය සැලකිල්ලට ගනිමින් මෙම චක්රලේඛය නිකුත් කර ඇති බව ඩේලි නිව්ස් වාර්තා කරයි.
රටේ අත්යවශ්ය සේවාවක් ලෙස රෝගීන් රැකබලා ගැනීමට සහ ජීවිත බේරා ගැනීමට සියලුම සෞඛ්ය කාර්ය මණ්ඩල ඉටු කරන විශේෂ කාර්ය භාරය අගය කරන බව සඳහන් කරන සෞඛ්ය අමාත්යාංශය ඇතැම් පිරිස් සෞඛ්ය සේවා අඩාල කිරීමට උත්සාහ කරන බව පවසයි.
බැනර් සහ කළු කොඩි ප්රදර්ශනය කිරීම ජීවිත තර්ජනාත්මක තත්ත්වයකට මුහුණ දී සිටින රෝගීන්ගේ මානසික සෞඛ්යයට මෙන්ම කැපවීමෙන් ක්රියා කරන වෛද්යවරුන්ගේ සහ සෞඛ්ය කාර්ය මණ්ඩලයේ ක්රියාකාරකම්වලට දැඩි බලපෑමක් ඇති කළ හැකි බව ද අමාත්යාංශය පෙන්වා දී ඇත.
