රිය අනතුරු නිසා රටට සිදුවන සමස්ථ ආර්ථික ව්යසනය සම්බන්ධව අපේ රට තුළ නිශ්චිත අර්ථ නිරූපණයක් නැතත් ලෝක සෞඛ්ය සංවිධානය දක්වා ඇති දත්ත ප්රකාරව එම හානිය රටේ දල දේශීය ආදායමෙන් සියයට තුනක ප්රමාණයකට බලපෑම් කරන බවත් ඒ අනුව රිය අනතුරු නිසා ආර්ථිකයට වාර්ෂිකව සිදුවන සමස්ථ පාඩුව රුපියල් බිලියන 450ක් බවත් ශ්රී ලංකා වෛද්ය සංගමය පවසයි.
පසුගිය ජනවාරියේ පමණක් සිදුවූ සමස්ථ රිය අනතුරු මරණ සංඛ්යාව 250ක් බවත් දල වශයෙන් සලකා බැලුවහොත් ජනවාරිය තුළ දිනකට පුද්ගලයින් 08 දෙනෙක් රිය අනතුරුවලින් මියගොස් ඇති බවත් මේ තත්වය රටක් ලෙස ඔරොත්තු නොදන තරමේ බරපතල සමාජ ආර්ථික ව්යසනයක් නිර්මාණය කරන බවත් එම සංගමය පෙන්වා දෙයි .
වර්ෂ 2021 දී රට තුළ මාරක රිය අනතුරු 2414ක් සිද්ධ වී තිබේ. මරණයට පත් වී ඇති සංඛ්යාව 2513කි. එම අනතුරුවලින් ඔත්පලවූ, සදාකාලික අංගවිකල බවට පත් වූ, බරපතල තුවාල ලැබූ සමස්ථ පිරිස 6401කි. මේ වසරේ ජනවාරි මස පමණක් සිදුවී ඇති බරපතල රිය අනතුරු ප්රමාණය 1875කි. ඉන් මාරක රිය අනතුරු ප්රමාණය 235කි.
රටක් වශයෙන් මේ තත්වය වළක්වා ගැනීමේ නිශ්ඡිත වගකීමක් පුරවැසියන් ලෙස අප සියලු දෙනා සතුව ඇති බවත්, මාර්ග අනතුරු යනු විනයකින් සහ වගකීමකින් යුතුව කටයුතු කිරීමෙන් වළක්වා ගත හැකි ව්යසනයන් බවත් ශ්රී ලංකා වෛද්ය සංගමය කියයි.
ලෝක සෞඛ්ය සංවිධානය උපුටා දක්වන එම සංගමය පෙන්වා දෙන්නේ ළමුන් සහ තරුණ වැඩිහිටියන් අයත්වන අවුරුදු 5-29 අතර වයස් ඛාණ්ඩයේ මරණවලට ප්රධානම හේතුව රිය අනතුරු බවය.
රිය අනතුරු සම්බන්ධව රට තුළ ඇති වී තිබෙන මෙම ව්යසනකාරී තත්වය සම්බන්ධයෙන් පුළුල් ජාතික කථිකාවක් ඇති වී මාර්ග අනතුරු අවම කරගැනීම වෙනුවෙන් විධිමත් වැඩපිළිවෙළක් ජාතික වශයෙන් දියත් කළ යුතු බවට අපේක්ෂා කරන ශ්රී ලංකා වෛද්ය සංගමය ඒ වෙනුවෙන් සමාජය පෙළ ගැසිය යුතු ආකාරය පිළිබඳව දැනුම්වත් කරන විශේෂ පුවත්පත් සාකච්ඡාවක් ද පෙබරවාරි 24 දා බ්රහස්පතින්දා පෙරවරු 10 සිට 11 දක්වා විජයරාම පාරේ ශ්රී ලංකා වෛද්ය සංගම් ශ්රවනාගාරයේ දී පැවැත්වීමට සැලසුම් කර තිබේ.
ශ්රී ලංකා වෛද්ය සංගමය විසින් නිකුත් කළ මාධ්ය නිවේදනය පහත දැක්වේ.
