ශ්රි ලංකා රජය විසින් ගන්නා ලද ඩොලර් මිලියන 250ක සෛවරී බැඳුම්කර ණයක් ගෙවීම පැහැර හැරීම හේතුවෙන් බැඳුම්කර හිමියෙකු වන හැමිල්ටන් රිසර්ව්ස් බැංකුව ශ්රී ලංකාවට විරුද්ධව නිව්යෝර්ක් ෆෙඩරල් අධිකරණයේ නඩු පවරා තිබේ. හැමිල්ටන් බැංකුවට ගෙවීමට ඇති ජාත්යන්තර ස්වෛරී බැඳුම්කර ඩොලර් මිලියන 250කට වැඩි මුදලක් හා 5.875% ක පොලී මුදලත් ජූලි 25 වැනිදා වන විට සම්පූර්ණයෙන් ගෙවා දමන ලෙස ඔවුන් අධිකරණය හරහා ශ්රී ලංකාවට මේ වනවිට දැනුම් දී ඇත.
ශ්රී ලංකාවට, එහි ස්වෛරී බැඳුම්කර දෙකක් ගෙවීමට ලබා දුන් දින 30ක කාලය අවසන් වීමෙන් පසුව මැයි මාසයේදී එම මුදල ගෙවීම පැහැර හරින ලදී. එය 1948දී බ්රිතාන්යයෙන් නිදහස ලබා ගැනීමෙන් පසුව සිදු කරන ලද පළමු ස්වෛරී ණය පැහැර හැරීම බව ’බ්ලූම්බර්ග්’ පෙන්වා දෙයි.
ශ්රි ලංකා රජය තමන්ට හිතැති පාරශ්වවලින් ලබා ගත් ණය සහ පොලිය මුලු මුදලක් ලෙස ගෙවා ඇති බව අනාවරණය වී ඇති බවත් ඇමෙරිකානු ජනතාවගේ විශ්රාම වැටුප් අරමුදල්වල මුදල් ආයෝජනය කර ඇති සිය බැංකුව ඇතුළු තවත් ඇමෙරිකානු මූල්ය ආයතන ගණණාවකින් ශ්රි ලංකාවට ලබා ගත් බැඳුම්කර ණය සහ පොලිය මුළුමනින්ම ගෙවීම පැහැර හැරීමට කටයුතු කර ඇති බව මෙම බැංකුව නියොජනය කරන නීතීඥවරුන් අධිකරණය වෙත කරුණු ගොනු කර ඇත.මෙම තත්ත්වය හේතුවෙන් ඇමෙරිකාවේ විශ්රාමිකයන් විසින් උපයන ලද මෙම අරමුදලේ ආයෝජනය කළ තැන්පතුකරුවන් සිය ජීවිත කාලය තුළ උපයාගත් සන්තකයෙන් සියයට 80ක් පමණ ශ්රි ලංකාවේ මෙම ණය පැහැර හැරීමේ තීන්දුව නිසා අවදානමට ලක්ව ඇති වද ඔවුන් විසින් එහිදී පෙන්වා දෙනු ලැබ ඇත.
මෙලෙස ණය ගෙවීම පැහැර හැරීම ‘රාජපක්ෂ පවුල ඇතුළු රටේ ඉහළම නිළධාරීන් විසින් සංවිධානය කරන ලද්දක් බවටත් ණය ප්රතිව්යුහගත කිරීමක් ලෙස පවසමින් දේශීය බැංකු හා වෙනත් පාර්ශව සමඟ ඇති බැඳුම්කර අතහැර දමා ඇති බවටත් ලංකාවට විරුද්ධව නඩු පවරමින් හැමිල්ටන් පාර්ශවය පවසා ඇත.
