රටේ ජනතාව නොමරා මරා ජනතාවට කළ හැකි අමානුෂිම පීඩනයට ඇඳදමා අති මේ තුච්ඡ ආණ්ඩුව මේ වනවිට ලක්ෂ 220 ක් ජනතාව හාමතේ සහ කුසගින්නේ තබා ඇති බවත්, රාජ්ය භීෂණයෙන් සහ රාජ්ය ත්රස්තවාදයෙන් ජනතාව තලා පෙළා දමන මේ ආණ්ඩුව ජන බලයෙන් සහ ජන ශක්තියෙන් ගෙදර යවන බවත් විපක්ෂ නායක සජිත් ප්රේමදාස අද ශපථ කළේය.
ආණ්ඩුවට විරෝධය දක්වමින් සමඟි ජන බලවේගය කොළඹදී අද (30) පැවැත්වූ විරෝධතාවට පොලිසිය කඳුළු ගෑස් සහ ජල ප්රහාර එල්ල කිරීමෙන් පසුව පාක්ෂිකයන් අමතමින් සජිත් ප්රේමදාස මහතා එසේ පැවසීය.
2022 වසරේ රට විනාශ කළ ගෝඨාභය රාජපක්ෂ ඉවත්කර ප්රජාත්රවාදයේ මහා විප්ලවාදියා යැයි කියාගන්නා රනිල් ඇතුළු ආණ්ඩුවට වැඩි කලක් පාලනයේ සිටීමට අවස්ථාව නොදෙන බව ද ඔහු සඳහන් කළේය.
මෙම විරෝධතාව ආණ්ඩුව ගෙදර යැවීමේ ආරම්භයක් පමණක් බව කී සජිත් ප්රේමදාස හැකි ඉක්මණින් මැතිවරණයක් දෙන ලෙස රාජපක්ෂලාගේ රූකඩ ජනාධිපතිවරයාට බල කරන බව ද සදඟන් කළේය.
ඔලු ගෙඩි සෙල්ලම් වෙලින් හෝ රට විනාශ කළ රාජපක්ෂලා සමඟ ඩීල් දමා නොව සමඟ ජනබලවේගය ජනතා ආශීර්වාදයෙන් බලයට එන බවත් පිට කොන්දක් නැති රනිල් – රාජපක්ෂ ආණ්ඩුව කොළඹට පැමිණි ජන ගංගාවට බය වී ඇති බවත් ඔහු කීවේය.
කඳුළු ගෑස් සහ ජල ප්රහාර එල්ල කරමින් රනිල් – රාජපක්ෂ ආණ්ඩුව පෙළපාලියට පැමිණි දසදහස් ගණනක ජනතාවගේ මානව අයිතිය අමු අමුවේ උල්ලඝණය කළ බව කී විපක්ෂ නායකවරයා රනිල්ට – රාජපක්ෂ ආණ්ඩවට කොන්දක් තිබේ නම් මැතිවරණයකින් ජනතාව අතරට එන ලෙස අභියෝග කළේය.
සමඟි ජනබලවේගය රාජපක්ෂලා සමඟ ඩීල් දමා නොමැති බවත් වේදිකාවේ මහ දවල් විවේචනය කර රාත්රී කාලයේ ඩීල් දාන දෙබිඩි කණ්ඩායමක් නොවන බවත් ද ඔහු පැවසීය.
සමඟි ජන බලවේගය තුළ දවල් මිගෙල් රෑ දනියල් චරිත නොමැති බව කී සජිත් ප්රේමදා රට බංකොළොත් කළ පුද්ගලයන් තම පක්ෂයේ ආණ්ඩුවක් තුළ අනිවාර්යෙන් නීතිය හමුවට ඉදිරිපත් කර ලක්ෂ 220 ජනතාවට සාධාරණය ඉටු කරන බව අවධාරණය කළේය.
අද පැවැති විරෝධතාවයේදී එල්ල වූ කදුලු ගෑස් හා ජල ප්රහාර හේතුවෙන් හිටපු පාර්ලිමේන්තු මන්ත්රී මුජිබර් රහුමාන් හදිසියේ රෝහල්ගත කර තිබිණි.
විපක්ෂනායක සජිත් ප්රේමදා මුජිබර් රහුමාන් ගේ තත්ත්වය සොයා බැලීමට වහාම රෝහල වෙත ගොස් තිබිණි.
සජබ විරෝධතාව අතරතුරදී අද එල්ල වූ පොලිස් ප්රහාරය සම්බන්ධයෙන් සාකච්ඡා කිරීම සදහා විශේෂ රැස්වීමක් ද විපක්ෂ නායක කාර්යාලයේදී පැවැත්වෙමින් ඇත.
සජිත් ප්රේමදාස විපක්ෂ නායකවරයා කඳුළුගෑස් ප්රහාර මැද ජනතාව අමතා කළ කතාව පහත දැක්වේ.
