රජයේ ආයතනවල රැස්වීම් හුදු කතා සාප්පු පමණක් බව ජනාධිපති අනුර කුමාර දිසානායක පැවසුවේය. ඔහු මේ බව ප්රකාශ කළේ අද හම්බන්තොට දිස්ත්රික් සංවර්ධන කමිටු රැස්වීමට සහභාගී වෙමිනි.
” ඔයගොල්ල කොච්චර රැස්වීම් කොච්චර තියනව ද?. ඔයගොල්ල තියන රැසවීම්වල ප්රතිඵල තියනවා නම් ගැටලු ඉතිරිවෙන්න විදිහක් නෑ. ” ජනාධිපතිවරයා පැවසුවේය.
ජනපති – “ගුරුවරු හත්සිය ගණනක අඩුවක් තියනවා කියලා කියනවා. මට කියන්න. ළමයි 50ට අඩු ඉස්කෝල කීයක් තියනව ද?”
නිලධාරියා – 24ක් තියනවා සර් .”
ජනපති – “ඒ 24 ගුරුවරු කී දෙනෙක් ඉන්නව ද?”
නිලධාරියා – “සර් ඒක ගණනය කරලා නෑ”
ජනපති – ” ඉතින් කොහොමද ප්රශ්නයට උත්තර හොයන්නේ. ප්රශ්නවලට උත්තර ඉවට හොයන්න බෑ. හැඟීමට හොයන්න බෑ. ප්රශ්නයට උත්තරයක් හොයන්න නම් අපි ගාව ඉතා හොඳ දත්ත පද්ධතියක් තියෙන්න ඕන. ඒ දත්ත විශ්ලේෂණය කරලා තමයි අපට උත්තර හොයාගන්න ඕන වෙලා තියෙන්නේ. බැලූ බැල්මට ගුරුවරු හත්සිය ගණනක හිඟයක් තියනවා කියලා කිව්වට අපි බලන්න ඕන කම තියනවා පාසල්වල ගුරුවරු කොහොමද විසිරිලා ඉන්නේ. මොන පාසල්වල ද හිඟය ඇති වෙලා තියෙන්නේ. සමහර පාසල්වල ළමුන් හා ශිෂ්ය අනුපාතය කොපමණ ද?.
සාමාන්ය ප්රශස්ථ ගුරු ශිෂ්ය අනුපාතය 1:22යි. මා දන්නවා 1:7 අනුපාතය තියනවා සමහර පාසල්වල. සමහර පාසල්වල 1:5 අනුපාතය තියනවා. ඉතා හොඳ විමර්ශනයකට ගිහින් තමයි ගුරු හිඟය මනින්න ඕන. මේ පාසල් පද්ධතිය මේ විදිහටම පවත්වාගෙන යමින් නම් අපි ගුරුවරු හොයන්නෙ. අපිට හැමදාම ගුරුවරු දෙන්න වෙයි.
රජය පාසල් ගැන නැවත සමාලෝචනයක් සිදුකිරීම සඳහා අධ්යාපන අමාත්යාංශයේ විශේෂ වැඩසටහනක් ක්රියාත්මක කර ඇති බවද ජනාධිපතිවරයා කීවේය.
