යුගදනවි බලාගාරය සම්බන්ධයෙන් අමෙරිකාවේ නිව් ෆෝට්රස් සමාගම සමග අත්සන් කෙරුණු ගිවිසුම තමන් ද දැක නොමැති බව මුදල් අමාත්යවරයා පක්ෂ නායක රැස්වීමේදී ප්රකාශ කළ බව රාජ්ය අමාත්ය දයාසිරි ජයසේකර සඳහන් කළේය.
ඔහු මේ බව පැවසුවේ නෙත් එෆ්එම්. අන්ලිමිටඩඩ් ගුවන්විදුලි වැඩසටහනට එක්වෙමිනි.
ආණ්ඩුවේ හවුල්කාර පක්ෂ 11ක් මහජන මන්ත්රණ සභාවට පෙර මුදල් ඇමති අගමැති සහ ජනධිපිතිවරයා හමුවූ අවස්ථාවේ දී මුදල් ඇමතිවරයා මේ බව කීවේ යැයි රාජ්ය අමාත්ය දයාසිරි ජයසේකර කීවේය..
“ අපි එහිදී මතුකරපු කාරණා එකකටවත් එතුමගෙ උත්තර ආවෙ නෑ. එතුමා කරපු කාර්ය භාර්ය ගැන එතුමා කිව්වා. ඊට පස්සෙ කිව්වා තාමත් මේ ගිවිසුම අත්සන් කරපු එකවත් එතුමා දැක්කෙ නෑ කියලා. මා බැලුවේ ඒක පුදුම කතාවක්නේ. දැන් මාස දෙකක් මේක අත්සන් කරලා.
එහා පැත්තේ කාමරේ ආටිගල මත්තයා ඉන්නේ. මෙහා පැත්තේ කාමරේ මුදල් ඇමති තුමා ඉන්නේ. මුදල් ඇමතිතුමාත් මේ වනතුරු නිවු ෆෝට්රස් සමාගම එක්ක ගහපු ගිවිසුම දැකලා නැතිනම් ඒක ලොකු අර්බුදයක් නේ.
මොකද මමනම් ඇමති මම මේක බලන්නෙ නැතිව ලේකම්ට දෙන්නෙ නෑනෙ අත්සන් කරන්න. මා දකින්නෙ නැතිව ලේකම්ට බලයක් දෙනවද මෙහෙම ගිවිසුමක් අත්සන් කරන්න. මේක එහා පැත්තෙ තියන පුංචි කඩයක් බදු දෙනවා වගේ නෙමෙයි නේ. මේ රටේ ජාතික ප්රශ්නයක්. එහෙම දෙයක් යනකොට එතුමා දැනුම්වත් විය යුතුයි. ඒ සම්බන්ධව වගකීමක් ගත යුතුයි.
එහෙත් මේක පෙර සැකසුම් ගිවිසුමක්… මමවත් මේක දැකලා නෑ…. ඔබතුමාලට මේක ඉතිරි ගිවිසුම් දෙක අත්සන් කරද්දි අවශ්ය තොරතුරු ටික දෙන්නම්… මීට වඩා වැදගත්ම ගිවිසුම තියෙන්නේ අනාගතයෙ… ඒ සඳහා යෝජනා එවන්න කියලයි එතුමා කියන්නේ.
කෙසේ වෙතත් මහජන මන්ත්රණ සභාවේ දී අමාත්ය විමල් වීරවංශ හෙළි කළ හදිසියේ ඉදිරිපත් කළ කැබිනට් පත්රිකාව මෙය වියහැකි නොවේ දැයි මාධ්යවේදියා ඇසූ ප්රශ්නයට පිලිතුරු දුන් රාජ්ය අමාත්ය දයාසිරි ජයසේකර කීවේ එවැනි වරදක් සිදුවී ඇතිනම් අනාගතයේ දී එවැන්නක් සිදු නොවිය යුතු බව ජනාධිපතිවරයා පැවසූ බවය.
