හඳුනා නොගත් කණ්ඩායමක් විසින් යාපනයේ, තවඩි, කේ.කේ.එස්. පාරේ අංක 238 දරන ස්ථානයේ පිහිටි සර්ව ජන බල පක්ෂයේ කාර්යාලය පිහිටි ගොඩනැගිල්ලට ඊයේ (13) රාත්රියේ ගිනි තබා තිබේ. රාත්රී 11:40 ත් 11:50 ත් අතර කාලය තුළ මෙම ගිනි තැබීමේ උත්සාහය සිදුවී ඇත.
කාර්යාලය පිහිටි ගොඩනැගිල්ලට ගිනි දල්වනු ලැබූවත් එම මොහොතේ කාර්යාලයේ සිටි පිරිස විසින් දැඩි උත්සාහයක් දරා එම ගින්න පැතිරීම වලක්වාගෙන ඇති බව වාර්තාවේ.
ක්රියාකාරි දේශපාලකයෙක්වන අරූන් සිද්ධාර්තන්ගේ නිවස සහ කාර්යාලය පිහිටා ඇත්තේ මෙම ගොඩනැගිල්ලේය.
එම සිදුවීම සීසීටීවී දර්ශනවල සටහන්ව තිබිණි.
යාපනයේ තම නිවස අසලට පෙරේදා 12 රාත්රියේ වාහන දෙකකින් පැමිණි LTTE හිතවාදීන් පිරිසක් තමන්ට මරණ තර්ජනය කොට නිවස හා කාර්යාලය වීඩියෝගත කරගනිමින් පලාගොස් තිබෙන බවට අරුන් සිද්ධාර්ථ් විසින් පොලිස් පැමිණිල්ලක්ද සිදුකොට තිබිණි.
පහත දැක්වෙන්නේ ගිනි තැබීම සිදුකළ ආකාරයයි.
