ඉතා අඩු පොලියට මෙරටට ලබාදී තිබූ සංවර්ධන ව්යාපෘති 323ක් වත්මන් ආණ්ඩුව විසින් නවතා දැමූ බවට සමගි ජන බලවේගය පාර්ලිමේන්තු මන්ත්රී පාඨලී චම්පික රණවක මහතා පවසයි.
ඔහු මේ බව කියාසිටියේ 43 සේනාංකයේ නීති ප්රතිසංස්කරණය වෙනුවෙන් වූ නීතිඥ එකමුතුව පිහිටුවන ලද අවස්ථාවට ප්රධාන ආරාධිතයා ලෙස එක්වෙමින් කළ අදහස් දැක්වීමේදී ය.
“මේ රටට කවදත් ඉතා අඩු පොලියට අපි කියනවා දීපු වැදගත් ව්යාපෘති 323 ක් පයින් ගහලා එලියට දැම්මා. 9000 ක් වෘත්තීයවේදීන් එළියට දැම්මා. 24000 කට රැකියා අහිමි වුණා. ප්රධාන ඒවා කිව්වොත් මේ අපේ ආණ්ඩුව බොහොම අමාරුවෙන් අපි සාකච්ඡා කරලා ලබාගත්ත සැහැල්ලු දුම්රිය ව්යාපෘතිය. ඩොලර් බිලියන 2.2 ක්. මුළු අවුරුද්දටම ආවේ 500 යි. කියලා. ඒ ව්යාපෘතිය තිබුන නම් මේ අවුරුද්දේ ඩොලර් මිලියන 600 ක් රටට නිකම්ම එනවා. ගිය අවුරුද්දෙත් එනවා. මේ අවුරුද්දෙත් එනවා. ඊළඟ අවුරුද්දෙත් එනවා. ඒ ව්යාපෘතිය නැවැත්තුවා. ඊළඟට මරදානේ සිට හෝමාගම දක්වා දුම්රිය පද්ධතිය නවීකරණය කිරීමේ ඩොලර් බිලියන 1.7 ක ජයිකා ව්යාතිය. පයින් ගැහුවා ඒකට. ගහලා ඒකත් අයින් කරලා දැම්මා. අද පාරේ තියෙන මේ දැවැන්ත මාර්ග තදබදය විසඳගන්න තිබිච්ච ක්රියාමාර්ග. ඒ වගේම කඩුවෙල පාර්ලිමේන්තු පාරේ තදබදය විසඳගන්න තිබිච්ච ක්රියාදාමයක්.
කොළඹ නගරයේ බිම් යටි බිම්ගත විදුලි පද්ධතියට දීලා තිබිච්ච ජයිකා ණය ඩොලර් මිලියන 214 ක්. පයින් ගැහුවා. ලෝක බැංකුවේ උපකාරය හදන්න ගිය දැවැන්ත බහුමාදිලි දැවැන්ත ප්රවාහන මධ්යස්ථාන අද නෑ. වැඩ කෙරෙන්නේ නෑ. ව්යාපෘති නතර වෙලා. එකම මහා පරිමාණ ව්යාපෘතියක්වත් අද සිදු කෙරෙන්නේ නෑ. මොකක්ද මේකෙන් ලැබිච්ච සංඥාව? ලංකාවට ආසියානු සංවර්ධන බැංකුවත් එපා. ලංකාවට කොරියා සංවර්ධන බැංකුවත් එපා ලංකාවට සල්ලිත් එපා අඩු පොලියට ණය එපා කියන සංඥාව තමයි මේ දුන්නේ.
තාක්ෂණ නගරයක් අපි හෝමාගම ඇති කළා. ඒකට කොරියානු ආධාර අපිට ලැබුණා. ඉතාම වැදගත් ව්යාපෘතියක් විශ්ව විද්යාල අටක් තාක්ෂණ විද්යා පීඨ හරහා 80000 ක් පුහුණු කරා. මොකද කළේ? ඒක නැවැත්තුවා. ඒක නැවැත්තුවා විතරක් නෙමෙයි කොරියානු ආධාරය, ආසියානු යටිතල පහසුකම් බැංකුවේ ඩොලර් මිලියන 400 ක ආධාරය නැති වුණා. එතන හදන්න යනවා මොකක්ද හිරගේ. වැලිකඩ හිරගෙදර. රුපියල් බිලියන 31 ක්. කෝටි 3100 ක් වියදම් කරලා. අපි සාමාන්යයෙන් කියන්නේ පාසලක් විශ්ව විද් යාලයක් අරිනවා කියන්නේ හිරගෙදරක් වැහෙනවා කියන එක. ලංකා ඉතිහාසයේ පළවෙනි වතාවට තාක්ෂණ පීඨ හතරක් වහලා හිරගෙයක් ඇරියා මේ ගෝඨාභය රාජපක්ෂ. ඔහු දන්නේ එච්චරයි. ඒක තමයි කරපු දේ. ඒ ඒ ඒවා හරහා දුන්නේ ඉතාම නරක පණිවිඩයක්. ඉතාම නරක පණිවිඩයක් අන්තර්ජාතික වෙළඳපොළට ලබා දුන්නා. ඒ සංඥාව. ඉතාම බරපතලයි.” යැයි ද මන්ත්රී පාඨලී චම්පික රණවත මහතා කීය.
