දිනසේන රතුගමගේ –
-
තරුණ මවගේ කුළුඳුල් දරු ප්රසූතිය… ඇය රෝහලේ සියලු සායනවලට නිසි පරිදි සහභාගී වෙලා… දරුවාත් මවත් ඉඳලා තියෙන්නේ නීරෝගී තත්ත්වයෙන්….
-
ප්රසව වේදනා සමග හුස්ම ගැනීම අපහසුවනවිට සිසේරියන් සැත් කමක් කරන ලෙස ඥාතීන් ඉල්ලා සිටියත් වෛද්ය කාර්යමණ්ඩලය එය අසා නෑ… ප්රසූතියේ දී දරුවා සහ මව මිය ගිහින්…
-
මේ අවුරුද්ද තුළ වාර්තා වුන මෙැවනි ආකාරයේ තුන්වැනි සිද්ධිය… මින් පෙර සිද්ධිවලට රෝහල් කාර්ය මණ්ඩලයේ 6 දෙනෙකුගේ සේවය අත්හිටුවලා…
දරු ප්රසූතිය සදහා මන්නාරම රෝහලට ඇතුළත් කළ මවක් හා ප්රසූත කළ දරුවා මියයාමත් සමගම මවගේ ඥාතීන් ඊයේ (19 ) රාත්රියේ රෝහල තුළ දැඩි විරෝධතාවයක් ආරම්භ කර තිබේ. මේ හේතුව නිසා රෝහලේ පාලන කටයුතු බිද වැටී ඇතැයි වාර්තා වේ.
ඥාතීන් පවසන්නේ දරු ප්රසූතිය පිණිස ඇතුළත් කළ මව හා උපන් දරුවා මියගියේ රෝහල් කාර්ය මණ්ඩලයේ වරදින් බවය.
මන්නාරම පට්ටිතෝට්ටම් ප්රදේශයේ තරුණ කාන්තාවක් සිය පලමු දරුවා බිහි කිරීම පිණිස රෝහල් ගත වී ඇති අතර ඇය නියමිත පරිදි මන්නාරම රෝහලේම වෛද්ය සායන සියල්ලටම සහභාගී වී තිබේ.
මවට දරුවා බිහි කිරීමට අපහසුතාවක් හා ඇයට හුස්ම ගැනීමට අපහසුතාවයක් හට ගත් අවස්ථාවේදී සිසේරියන් සැත්කමකින් දරුවා ලබා ගත යුතු බවට ඥාතීන් කළ ඉල්ලීමට අවනත නොවූ රෝහලේ වෛද්යවරු හෙදියන් හා සෙසු කාර්ය මණ්ඩලය දරුවා බලහත්කාරයෙන් ප්රසූත කරවා ගැනීමට යාම නිසා මේ අවාසනාවන්ත සිද්ධිය සිදු වූ බව කියා සිටියහ.
දරුවා හා මව මියගිය බව ඥාතීන්ට ප්රකාශ නොකොට පැය කීපයක් තිස්සේ රෝහල් කාර්ය මණ්ඩලය විවිධ ක්රියාකාරකම්වල නිරත වූ බවද ඥාතීහු කියා සිටියහ.
කෙසේ වෙතත් මන්නාරම රෝහලේදී දරු ප්රසූතිවලදී දරුවන් මියයාමේ සිද්ධීන් තුනක්ම මේ වසරේ ගත වූ කෙටි කාලයේදී වර්තා වූ අතර එම සිද්ධීන් ගැන පරීක්ෂණ පවත්වා රෝහල් කාර්ය මණ්ඩලයේ 6 දෙනෙකුගේ සේවය අත්හිටුවා තිබේ.
