මේ වසර අවසන් වන විට ශ්රීලංකන් ගුවන් සේවය තවත් ගුවන් යානා දෙකක් තම ගුවන් යානා ඇණියට එක් කිරීමට සැලසුම් කර ඇති බව ශ්රී ලංකන් ගුවන් සමාගමේ සභාපති සරත් ගනේගොඩ CNA අන්තර්ජාතික පුවත් සේවය සමඟ සම්මුඛ සාකච්ඡාවකට එක්වෙමින් පැවසීය.
කෙටි, මධ්යම සහ දිගු කාලීන ඉලක්ක ගෙනහැර දක්වමින් ශ්රීලංකන් ගුවන් සේවය රජයට අභිලාෂකාමී පස් අවුරුදු උපායමාර්ගික සැලැස්මක් ඉදිරිපත් කර ඇති බව ද සභාපතිවරයා අනාවරණය කළේය.
ශ්රී ලංකන් ගුවන් සේවය සතුව ඇති සම්පත් සමඟ අනෙකුත් ගුවන් සමාගම් සමඟ තරඟ කළ නොහැකි බවත්, නව නවීන ගුවන් යානයක් සඳහා යාම දරාගත නොහැකි තත්ත්වයක් බවත් සභාපතිවරයා පැවසුවේය.
“එබැවින් අපට අපගේ වත්මන් ගුවන්යානා ඇණිය කළමනාකරණය කිරීමේ දී සිදුකරන එකතු කිරීම් නවීන නොවිය හැකියි.
එබැවින් කර්මාන්තයේ අනෙකුත් තරගකරුවන් සමඟ අපට තරඟ කළ හැකි එකම ක්රමය අපගේ සේවාවයි. ”
” අපි පස් අවුරුදු සැලැස්මක් ඉදිරිපත් කර තිබෙනවා. එහිදී අපි අපගේ කෙටි, මධ්ය කාලීන හා දිගු කාලීන දිශාව ප්රකාශ කර තිබෙනවා.
කෙටිකාලීනව, අපට අවශ්ය වන්නේ අපගේ මුදල් ප්රවාහය කළමනාකරණය කරගැනීම සහ ලාභදායී තත්ත්වයක් තුළ මෙහෙයුම් කටයුතු කිරීමයි. එම ප්රවේශය අපේ මධ්ය කාලීන සිට දිගු කාලීන තිරසාරභාවය සඳහා ඉතා අත්යවශ්යයි. මධ්ය කාලීන සිට දිගු කාලීන සැලැස්ම තුළ අපි ඇත්තටම ගුවන් සේවයේ ස්ථාවරත්වය සහ වර්ධනය කෙරෙහි අවධානය යොමු කරනවා. වර්ධනය ගැන කතා කරනකොට අප ගේ ඉලක්කය අපේ ගුවන් යානා බලඇණිය දෙගුණ කිරීමයි” සභාපතිවරයා පැවසුවේය.
ගුවන් සේවය දැනටමත් නව මාර්ග කිහිපයක් හඳුනාගෙන ප්රමුඛතාවය දී ඇති බවත් එහි සේවකයින් 6,000කට සහ ආහාර සැපයීමේ ක්ෂේත්රයේ තවත් 900කට ආඩම්බර විය හැකි සංවිධානයක් ගොඩනැගීමට කැපවී සිටින බවත් සභාපතිවරයා අවධාරණය කළේය.
පහත දැක්වෙන්නේ එම සාකච්ඡාවයි.
