මිලියන 2.2ක සංචාරක පිරිසක් මේ වසර අවසන් වනවිට ලංකාවට එනු ඇතැයි අපේක්ෂා කරන බව සංචාරක ප්රවර්ධන කාර්යාංශයේ සහ සංචාරක සංවර්ධන අධිකාරියේ සභාපති බුද්ධික හේවාවසම් පවසයි.
විසා ගැටලුව සහ ආගමන විගමන ගැටලුව හේතුවෙන් සැප්තැම්බර් මස වනවිට ලංකාවේ සංචාරක කර්මාන්තය යම් මට්ටමක අඩාල වී තිබුණ ද එම ගැටලුව විසඳිමත් සමග ඇතිවූ සාමකාමී සහ සංචරණය සඳහාවූ ආරක්ෂිත වටපිටාව සමග සියයට 21ක පමණ වර්ධනයක් අපේක්ෂා කරන බවය.
“දැනටම මිලියන 1.9කට ආසන්න සංචාරකයින් ප්රමාණයක් ඇවිත් තියනවා. මේ මාසේ විතරක් 70000ක් ඇවිත් තියනවා පළමු දවස් දහය ඇතුළත. අපි බලාපොරොත්තු වෙනවා ඊලඟ දවස් විස්සත් ගත්තම මේ මාසය තුළ සංචාරකයින්ගේ පැමිණීම ලක්ෂ දෙක හමාරකට වඩා වැඩිවේවි කියලා.”
“වර්ෂ 2018 තමයි ලංකාවේ වැඩිම සංචාරක ආගමනයක් සිදුවන වසර ලෙස වාර්තා වෙලා තියෙන්නේ. ඒ කියන්නේ සංචාරකයින් මිලියන 2.33ක් පමණ ඉලක්කයකට රට ලඟා වෙලා තියනවා. අප ඉලක්ක කරන සංචාරකයින් ප්රමාණය ආවොත් ඊට ඉතා කිට්ටු අගයකට මේ වර්ෂයේ දි පැමිණෙනු ඇතැයි අප බලාපොරොත්තු වෙනවා. ”
ඊලඟ වසරේ මිලියන තුනක සංචාරකයකින් ප්රමාණයක් සහ ඩොලර් බිලියන 05ක ආදායම් ඉලක්කයක් සඳහා වූ අනාගත සැලසුමේ මූලික අඩිතාලම මේ වනවිට වැටි ඇති බව සභාපතිවරයා පැවසුවේය.
