පටු දේශපාලන අරමුණු පෙරදැරි කර ගනිමින් සමාකාමී අරගලකරුවන්ට එල්ල කළ ම්ලේච්ඡ ප්රහාරයන් තරයේ හෙළා දකින බව ත්රෛනිකායික මහනායක හිමිවරු ප්රකාශ කර සිටිති.
මල්වතු පාර්ශයේ මහනායක අතිපූජ්ය තිබ්බටුවාවේ ශ්රී සිද්ධාර්ථ සුමංගල,අස්ගිරි පාර්ශවයේ මහනායක අතිපූජ්ය වරකාගොඩ ශ්රී ඤාණරතන,ශ්රී ලංකා අමරපුර මහනිකායේ මහනායක අතිපූජ්ය දොඩම්පහල චන්ද්රසිරි,ශ්රී ලංකා රාමඤ්ඤ මහනිකායේ මහනායක අතිපූජ්ය මකුලෑවේ විමල යන මහනායක ස්වාමින්ද්රයන් වහන්සේලා සිය අත්සනින් යුතුව ජනපති, අගමැති, විපක්ෂනායක හා පාර්ලිමේන්තුව නියෝජනය කරන සියලු මන්ත්රීවරු මාධ්ය නිවේදනයක් නිකුත් කරමින් ත්රෛනිකායික මහනාහිමිවරු මේ බව අවධාරණය කරති.
එහි මෙසේද සඳහන් වෙයි.
රට තුළ උද්ගතව ඇති සමාජ, දේශපාලන හා ආර්ථික අර්බුදයන්ට විසඳුම් ඉල්ලා සාමකාමි අරගලයක නිරත වු මහජනතාව වෙත එල්ල කළ සහාසික ප්රහාරයන් ප්රජාතන්ත්රවාදයට මෙන්ම මනුෂ්යත්වයට ද නිගා දෙන්නකි.
ඍජුව හා වක්රව මෙම නින්දිත ක්රියා මාර්ගය සඳහා අනුබල දුන් දේශපාලන නාකයින්ට ජනතා පරමාධිපත්යය නියෝජනය කරන මහජන නියෝජිතයන් ලෙස රැඳී සිටීමට තවදුරටත් සදාචාරාත්මක අයිතියක් නැති බව අපි තරයේ විශ්වාස කරමු.
රටේ සමස්ත මහජනයාගේ ජීවිත, දේපොළ මෙන් ම නිදහසේ අදහස් ප්රකාශ කිරීමේ අයිතිය ද ආරක්ෂා කිරීමට රාජ්ය පාලකයා ව්යවස්ථාවෙන් බැඳී සිටියි. බලලෝභී අවිචාරවත් දේශපාලන න්යාය පත්රයන් පෙරදැරි කරගෙන සිදුකළ මෙම ප්රහාරයන්ට සම්බන්ධ සියලු වගකිවයුත්තන්ට එරෙහිව නීතිය තදින් ක්රියාත්මක කිරීමට ශ්රී ලංකා පොලීසිය ඇතුළු අදාළ ආයතන කටයුතු කළ යුතු ය.
තව ද රටේ ඇතිවුණු දේශපාලන, සමාජ, ආර්ථික අර්බුද නිසා මීට පෙර අප විසින් හා විවිධ පාර්ශවයන් විසින් ඉදිරිපත් කරන ලද යෝජනා කෙරෙහි කඩිනම්ව අවධානය යොමු නොකිරීම නිසා මෙබඳු ප්රතිවිපාක දක්නට ලැබෙන බව සිහිපත් කර සිටිමු.
මෙම තීරණාත්මක අවස්ථාව තුළ විමසිලිමත්ව සබුද්ධිමත්ව හා ඉවසිලිමත්ව කටයුතු කර අර්බුදකාරී තත්ත්වයන් විසඳා ගැනීමට කටයුතු කරන ලෙස සියලු වගකිව යුතු පාර්ශ්වයන්ට හා රට වැසියන් සියලු දෙනා වෙත මෙයින් සිහිපත් කර සිටිමු.
එම ප්රකාශය පහත දැක්වේ.
