සාමාන්ය පෙළ දරුවන් බිල්ලට තබා ඊයේ (17) දිනයේ දී දුම්රිය වැඩ වර්ජනයක් කිරීමට සූදානම් වූ පිරිසක් තමන්ගේ අමාත්යාංශය යටතේ සේවය කරනු ඇතැයි තමන් කිසිසේත්ම කල්පනා නොකළ බවත් මේ දැනුම ලබා දීම ගැන ඔවුන්ට ස්තුතිවන්ත වන අතරම යම් අපහසුතාවයකට පත් වූවා නම් සාමාන්ය පෙළ දරුවන්ගෙන් සහ ඔවුන්ගේ දෙමව්පියන්ගෙන් සමාව ඉල්ලා සිටින බවත් ප්රවාහන හා මහාමාර්ග ඇමති බිමල් රත්නායක අද (18) පාර්ලිමේන්තුවේ දී පැවසුවේය.
ඇමතිවරයා මේ බව ප්රකාශ කළේ ත්රිවිධ හමුදාවෙන් තෝරාගත් 20 දෙනෙක් සඳහා දුම්රිය රියදුරු පුහුණුව ලබා දීමට එරෙහිව දුම්රිය රියදුරන් ඊයේ දියත් කිරීමට උත්සාහ කළ දුම්රිය වර්ජනය සම්බන්ධව පාර්ලිමේන්තුවේ දී අදහස් දක්වමිනි.
දුම්රිය එන්ජින් රියදුරන් ලෙස හමුදාවේ විසි දෙනෙකු පුහුණු කිරීමට ගත් තීන්දුව සාමාන්ය පෙළ විභාගයට ලියන දරුවන් ගැන කල්පනා කර තාවකාලිකව අත් හිටවූ බව කී ඇමතිවරයා විශේෂඥ වෛද්යවරුන්, ගනකාධිකාරීවරුන්, ඉංජිනේරුවන්, ඇතුළු වෘත්තිකයින් ඇතුළු සියලු නිපුණතා සහිත කණ්ඩායම්වලින් හමුදාව සකස් වන්නේ යුද කටයුතු සඳහා පමණක් නොව, ජාතික අවශ්යතාවයක දී හදිසි මහජන සේවා සැපයීමේ අභිලාෂයෙන් බව කී ඇමතිවරයා ඒ සඳහා දුම්රිය රියදුරන් 20 දෙනෙකු පුහුණු කර හමුදා සේවයේ තබා ගැනීමේ වරද කුමක් දැයි ප්රශ්න කළේය.
ඇමතිවරයා යළි යළිත් කීවේ දරුවන්ගේ ජීවිත බිල්ලට දී සිය වෘත්තීය අවශ්යතා සම්පූර්ණ කරගැනීමට සූදානම්වන මෙවැනි කණ්ඩායමක් තමන්ගේ අමාත්යාංශය යටතේ සිටීම සම්බන්ධව තමන් පුදුමයට පත් පමණක් නොව අතිශයින්ම කණගාටුවට පත්වන බවය.
දිට්වා සුළි කුණාටුවෙන් පසු දුම්රිය දෙපාර්තමේන්තුවට වසර ගණනාවකින්වත් ඉටු කරග නොහැකිව තිබූ දුම්රිය පාලම්, දුම්රිය මාර්ග ප්රතිසංස්කරණය කෙරුණේ, දුම්රිය දෙපාර්තමේන්තුවේ හුදකලා වෑයමකින් පමණක් නොව ත්රිවිධ හමුදාවේ ශ්රම බලය, ඉංජිනේරු හා තාක්ෂණික දැනුම ද සහිතව බව කී ඇමතිවරයා දුම්රිය සේවයේ අනෙක් සියලුම අංශ සඳහා ත්රිවිධ හමුදාවේ සහාය ලබා ගත හැකි නම් හදිසි අවශ්යතාවයක් සඳහා දුම්රිය රියදුරන් 20ක් ලෙස හමුදා කණ්ඩායමක් පුහුණු කර තැබීමේ ගැටලුව කුමක් දැයි ප්රශ්න කළේය.
ඇමතිවරයා මෙසේ ද කීවේය.
“දවසකට දුම්රිය සේවාවන් 280ක් කරනවා. හමුදාවේ නිලධාරීන් 20ක් පුහුණු රකගත්තා කියලා මොකක්ද කරන්න පුලුවන් දුම්රිය සේවයට. දුම්රිය සේවයට ඒකෙන් කිසිම බලපෑමක් කරන්න බෑ .
“එහෙම තියෙද්දි තමයි මේ ස්ට්රයික් එකක් ඊයෙ කෝල් කළේ. අන්තිම කණගාටු වෙනවා ඒ විදිහට කටයුතු කිරීම පිළිබඳව. හමුදාවේ කට්ටිය පුහුණු කරගැනීම සිදුවන්නේ හදිසි තත්ත්වයක දී අවශ්ය වුවොත් යොදා ගන්න. අපට කිසිසේත්ම වෘත්තිය සමිති අරගල කුඩුපට්ටම් කරන්න ත්රිවිධ හමුදාව යොදාගන්න ඕන නෑ. “
“අපි ආපු මේ මාස 14 ට දවස් කීපයක් කිසිම වෘත්තීය අරගලකරුවෙක් නොකරන විදිහට දුම්රිය සේවා ඔවුන් නැවැත්තුවා. කුරුණෑගල කොටුව යන 141 දුම්රිය නැවැත්තුවා එකවරම. හේතුව දුම්රිය රියදුරුගෙ බෑග් එක සේවකයෙක් විසින් ගෙනත් දුන්නේ නෑ කියලා. එදා අපි හමුදාව යොදවන්න හිතුවෙ නෑ.”
“2025 මැයි 11 වැනිදා ස්ථාන මාරුවක් දුන්නා කියලා කීප දෙනෙකුට සේවයට වාර්තා නොකර හිටියා මුලු දුම්රිය ධාවනයම අවලංගු වෙන විදිහට. මේ අය එහෙම දුම්රිය ධාවනය නවත්වනකොට අපට හමුදා කට්ටියක් ගැන මතක් වුනේ නෑ.”
“දුම්රිය එන්ජින් රියදුරන්ගේ පැත්තෙන් ගත්තොත් මීට කලින් ස්ට්රයික් කරලා තියනවා. අපි එන්න කලිනුත් හවස හතරට දුම්රිය නවත්වලා තියනවා. ඒ අවස්ථාවෙදිත් අපි හමුදාවක් ගැන හිතුවේ නෑ. ඒ සමහර වැඩ වර්ජන අන්තිම අසාධාරණයි. එක් අවස්ථාවක මඩකලපු දුම්රිය නරත කළා ටිකට් ගත්ත මිනිස්සු 130ක් දුම්රියෙන් බස්සලා. හේතුව ඔවුන්ට රෙස්ට් රූම් නෑ කියලා.”
“ඒ කිසිම අවස්ථාවක ත්රිවිධ හමුදාව යොදා ගන්න අවශ්ය වුනේ නෑ. ඒ නිසා මේ වෙලාවෙදි අපිට කොහොමත්ම අවශ්යතාවයක් නෑ. හැබැයි අපි දැනගත්ත දේ තමයි ත්රිවිධ හමුදාව මේ තරම් දුම්රිය සේවයට, මේ තරම් මහා මාර්ග ප්රතිසංස්කරණයට උදවු කරලා තිබිය දී දුම්රිය රියදුරන්ගේ මේ හැසිරීම. හමුදාවට හෝ වෙන කවුරුන්ට හෝ දුම්රිය රියදුරු පුහුණුව කළත් ඔච්චරයි. දුම්රිය රියදුරන් ඉන්නේ ස්ට්රයික් කරන්න විතරයි ද?.”
“අපි කරුණාවෙන් කියන්න කැමතියි අපි කවදාවත් හිතුවෙ නෑ. සාමාන්යපෙළ දරුවන් බිල්ලට ගන්න මට්ටමට මේ පිරිස යාවි කියලා. මම කවදාවත් බලාපොරොත්තු වුනේ නෑ. ඒ තත්ත්වය.”
“අපි මේ රටේ පාලනයට එනකම් අවුරුදු 07කින් දුම්රිය රියදුරන් අරන් නෑ. අපි තමයි දැන් 190ක් අරන් තියෙන්නේ. දැන් පුහුණු කරන්නත් අරන්. ඔය ස්ටේෂන් මාස්ටර්ලා අපි ආවට පස්සේ තමයි අරන් තිනේනේ අවුරුදු හත අටකට පස්සේ.”
“ ඒ නිසා ජනාධිපති තුමාගේ මගපෙන්වීමත් එක්ක අපි රාජ්ය සේවයේ සෑම අංශයක්ම දියුණු කරනවා. ජනවාරි පඩිය අරන් මේ ස්ට්රයික් කරන්නේ. අපි වෘත්තීය සමිතිවලට උගන්නලා තියනවා ජනතාව වෙනුවෙන් සටන් කරන්න. “
“ මේ දුම්රිය නිලධාරී මහත්වරුන්ගේ දරුවොත් ඕලෙවල්වලට යනවා. ඒ ගොල්ලන් යම් කිසි වැටුපක් ලබන පිරිසක් අනෙක් අයට සාපේක්ෂව. ඒ නිසා අපි ඒ ගොල්ලන්ට කියන්න කැමතියි… ඕලෙවල් දරුවන් බිලි ගන්න තරම් දුරට ඔබතුමාල යන්න ලෑස්තියි කියන එක දැනගන්න ලැබීම අතිශයින්ම කණගාටුදාකයකයි. නමුත් ඒ දැනුම ලබා දුන්නට ස්තුතියි.
ඒ නිසා අපි ත්රිවිධ හමුදාවේ පුහුණුව ගැන කාරණයේ දී දරුවන් ගැන හිතලා වෙනස් කරගත්තා. නමුත් අපි හිතනවා මේ රටේ කිසිම කෙනෙකුට ත්රිවිධ හමුදාව ලබන විශේෂ නිපුණත්වයකට විරුද්ධ වෙන්න බෑ කියලා. , විශේෂඥ වෛද්යරු, ඉංජිනේරුවො, මිනින්දෝරුවො, ගණකාධිකාරීවරු, ඇතුළු විවිධ වෘත්තීය නිපුණත්වයක් සහිත පිරිස් ත්රිවිධ හමුදාවක් සතුව ඉන්නවා. ලෝකයේ ඒ ස්වරූපයෙන් අපට වෙන්න බෑ.”
“ ඔය දුම්රිය රියදුරු මහත්වරු සමහර වෙලාවට එන්නෙත් හමුදාවෙන් හදපු පාලම් උඩින්. හමුදාවෙන් හදපු පාරවල්වල. ඒ හමුදාව තමන්ගේ වෘත්තියට අභියෝගයක් ලෙස සිතීමේ මනස අපට හඳුනා ගන්න බෑ. “
“ඇත්තටම ගත්තොත් සාමාන්යපෙළ දරුවන්ගෙන් සමාව ඉල්ලනවා අපේ රටේ එහෙම නිලධාරීන් පිරිසක් ඉඳීම ගැන. “
“මම හිතුවෙ නෑ සාමාන්යපෙළ දරුවන්ගේ විභාගය බිල්ලට තියලා, ත්රිවිධ හමුදාවේ විසි දෙනෙකුට පුහුණුව දෙන එකට ඕනෑම බිල්ලක් ගන්න පුලුවන් කට්ට්යක් අපේ අමාත්යාංශය යටතේ ඉන්නවා කියන එක. සාමාණ්ය පෙළ දරුවන්ගෙන් සහ දෙමව්පියන්ගෙන් සමාව ඉල්ලනවා ඊයේ පැය දෙක තුනකට හරි ඇතිවුන කලබලය ගැන.
