දිනසේන රතුගමගේ –
වවුනියාව පණ්ඩාරීකුලම ප්රදේශයේදී දාසය හැවිරිදි පාසල් ශිෂ්යාවක් දූෂණය කොට මරා දමා වසර දහයක් ඉක්ම ගොස් ඇතත් මේ දක්වා නිසි අපරාධකරුවන් අත් අඩංගුවට ගෙන ඔවුන්ට දඩුවම් ලබා දී නොමැති බවට පවුලේ ඥාතීන් විසින් ඊයේ (17) ජනාධිපතිවරයාට ලිපියක් යවමින් දැණුම් දී තිබේ.
මේ ශිෂ්යාව දූෂණය කොට මරා දැමීම සම්බන්ධයෙන් නඩුවක් වවුනියාව අධිකරණයේ විභාග වෙමින් පවතින අතර ගත වූ වසර දහයක කාලය ඇතුළත සිදු වූයේ එම නඩුව කල් දැමීම පමණක් බව එම ලිපියේ සඳහන් වේ.
2016 පෙබරවාරි 16 වන දින, වව්නියාවේ බන්ඩාරිකුලම් උක්කුලන්කුලම් ප්රදේශයේ නිවසේ තනිව සිටියදී 16 හැවිරිදි කෙන්ගතරන් හරිස්නාවි පාසල් සිසුවිය දූෂණය කර ඝාතනය කොට වසර දහයක කාලයක් ඉකුත් වන මේ මොහොත වන විටත් අපරාධ කරුවන් නිදැල්ලේ සිටින බැවින් ජනාධිපතිවරයාගේ විශේෂ අවධානය මේ කරුණ කෙරෙහි යොමු කොට පොලීසිය ලවා අදාල සැකකරුවන් අත් අඩංගුවට ගන්නා ලෙස ඥාතීන් විසින් යවන ලද ලිපියේ සඳහන් කොට තිබේ.
