පොලිස්පතිවරයා විසින් බස්නාහිර පළාතේ ප්රදේශ කිහිපයකට පොලිස් ඇඳිරි නීතිය පැනවීම නීති විරෝධී සහ මූලික අයිතිවාසිකම් උල්ලංඝනය කරන ක්රියාවක් බවත් එවැනි ඇඳිරි නීතිය පැනවීමක් සිදුකළේ කුමණ අධිකාරි බලයක් යටතේ දැයි පොලිස්පතිවරයා විමසනු කැමති බවත් නීතිඥ සංගමය නිවේදනයක් නිකුත් කරමින් ප්රකාශ කරයි.
එවැනි ඇඳිරිනීතියක් පැනවීමට පොලිස් ආඥාපනතෙහි විධිවිධාන නොමැති බව ශ්රී ලංකා නීතීඥ සංගමය ලිඛිතව පෙන්වා දෙයි.
ඇඳිරි නීතිය ප්රකාශ කිරීම මඟින් පැහැදිලිවම පිළිඹිබු කරන්නේ, අදහස් ප්රකාශ කිරීමේ සහ විසම්මුතියේ නිදහස යටපත් කිරීමට බව එම සංගමය අවධාරණය කරයි.
එය සම්පූර්ණයෙන්ම පිළිගත නොහැකි සහ ප්රජාතන්ත්ර විරෝධී ප්රවේශයක් බවත්, ශ්රී ලංකාවේ ආර්ථිකයට සහ දේශපාලන ස්ථාවරත්වයට එය බරපතල ලෙස හානි කරන බවත්, ශ්රී ලංකා නීතීඥ සංගමය අවධාරණයකින් දන්වා සිටී.
