මේ මොහොතේ ශ්රී ලංකාවේ කෘෂිකර්ම ක්ෂේත්රයට නව තාක්ෂණය සෘජුව එක් නොකළහොත් කෘෂිකර්ම ක්ෂේත්රය නගා සිටුවීමට හැකි නොවනු ඇති බව පේරාදෙණිය විශ්ව විද්යාලයේ කෘෂිකර්ම පීඨයේ මහාචාර්ය බුද්ධි මාරඹේ පවසයි.
රටේ ජනතාවට අවශ්යය ආහාර සැපයීමට රට තුළ දැනට පවතින භූමියත් අමුද්රව්යත් ප්රමාණවත් වුවත් ඒ සඳහා තාක්ෂණය යොදා ගැනීමේ දුර්වලතා ඇති බවද කෘෂි ඒකක ක්ෂේත්ර ඵලයක අස්වැන්න වැඩි කිරීම සඳහා තාක්ෂණය යොදා ගැනීම අත්යවශ්ය බවද ඒ සඳහා පසුබිම මේ වන විට සකස් කරමින් පවතින බව ද මහාචාර්යවරයා කියයි.
දේශීය කෘෂිකර්මාන්තයේ ප්රායෝගික දියුණුවක් අත්විඳීමට නම් පසු අස්වනු හානි අවම කළ යුතු බවත් ඒ සදහා රට තුළ කෘෂි නිෂ්පාදන බෙදාහැරීමේ දුර කාලය නාස්තිය අඩු කිරීමෙන් අවම මිලකට පාරිභෝගිකයාට කෘෂි නිෂ්පාදන ලබාදිය හැකි වන බවත් මහාචාර්යවරයා අවධාරණය කළේය.
රට තුළ පසු අස්වනු හානිය අවම කිරීමට නම් ජාතික කෘෂිකර්ම ප්රතිපත්තිය ක්රියාත්මක කිරීම අත්යවශ්ය බව ද කෘෂිකර්ම සංවර්ධන පනත ගෙන ඒමට බලධාරීන් කටයුතු කළ යුතු බවද මහාචාර්ය මාරඹේ පෙන්වා දෙයි.
