පළාත් පාලන ඡන්ද විමසීමට අදාල තැපැල් ඡන්ද පත්රිකා සළකුණු කීරීම නියමිත දිනවල දී සිදුනොවන අතර එම දින දින පිළීබඳව පසුව දැනුම් දෙන බව මැතිවරණ කොමිෂන් සභාව නිවේදනය කරයි.
ලබන මාර්තු මස 09 දා පැවත්වීමට නියමිත පළාත් පාලන ඡන්ද විමසීමේ තැපැල් ඡන්දය සලකුණු කිරීම මෙම මස 22 23 24 සහ 28 දිනවල දී සිදුකිරීමට නියමිතව තිබිණි.
එසේ වුව ද රජයේ මුද්රණාලයාධිපතිනිය විසින් මුලින් එකඟ වූ පරිදි තැපැල් ඡන්ද පත්රිකා නියමිත දිනවල දී ලබා නොදීම හේතුවෙන් මෙලෙස ම දිනවල දී ඡන්දය පැවැත්විය නොහැකි බව මැතිවරණ කොමසාරිස් ජෙනරාල් සමන් ශ්රී රත්නායක සඳහන් කරයි.
මැතිවරණ කොමිසම අද ප්රකාශ කර තිබුණේ අද හෝ හෙට තැපැල් ඡන්ද පත්රිකා ලැබුණහොත් ගැටලුවක් නොමැතිව නියමිත පරිදි තැපැල් ඡන්දය පැවැත්විය හැකි බවය.
රජයේ මුද්රණ දෙපාර්තමේන්තු වෘත්තීය සමිති පැහැදිලි කළේ දිස්ත්රික් දහයක තැපැල් ඡන්ද පත්රිකා මේ වනවිට මුද්රණය කර ඇති බැවින් මුද්රණාලයේ ධාරිතාව අනුව ඉතිරි වී ඇත්තේ වරුවක මුද්රණ කාර්යයක් බවය.
