මැයි 9 වනදා ඇතිවූ සිදුවීම් පාලනය කිරීමට අපොහොසත් වූ බවට චෝදනා කරමින් ස්ථාන මාරුවීම් ලැබූ ප්රධාන පොලිස් පරීක්ෂකවරුන් 14 දෙනෙක් විසින් පොලිස්පතිවරයා, මහජන ආරක්ෂක අමාත්යාංශයේ ලේකම්වරයා, පොලිස් විශේෂ විමර්ශන අංශයේ අධ්යක්ෂවරයා සහ නීතිපතිවරයා ඇතුලු පිරිසක් වගඋත්තරකරුවන් කරමින් අද (21) ශ්රේෂ්ඨාධිකරණය හමුවේ මූලික අයිතිවාසිකම් පෙත්සසම් ගොනු කරනු ලැබුහ.
පසුගිය මැයි මස 9 වනදා ඇතිවූ නොසන්සුන්තාවය මැඩ පැවැත්වීමට අපොහොසත් වීම සම්බන්ධව චෝදනා කරමින් තෝරාගත් පිරිසකට පමණක් මාරුවීම් ලබාදී ඇති බවත්, මාරුවීම් සිදුකර ඇත්තේ දේශපාලන අවශ්යතාවන් පදනම් කරගනිමින් බවත් අදාළ ස්ථානාධිපතිවරුන් සිය පෙත්සම් මගින් පෙන්වා දී ඇත.
විරෝධතාකරුවන් දේශපාලනඥයන් පිරිසකගේ නිවාස ගිනි තැබීම, දේපල හානි කිරිම, මන්ත්රීවරයෙක් ඝාතනය කිරීම ඇතුළු මැයි 09 දා සිදුවීම් වැළැක්වීමට කටයුතු නොකළ බවට චෝදනා කරමින් පසුගිය මස 20 වනදා සිට ක්රියාත්මක වන පරිදි ස්ථානාධිපතිවරුන් විසි තුන්දෙනෙකු මාරු කර යැවීමට පොලිස්පතිවරයා කටයුතු කළේය.
