මහින්දානන්ද අලුත්ගමගේ විසින් පහර දි සිය පියාගේ පාදයක් බිඳ දමා ඇතැයි පවසමින් ගුණතිලක රාජපක්ෂගේ පුත්රයා වූ නිලුපුලු රාජපක්ෂ විසින් අද (04) කොටුව පොලිසිය ටපැමිණිල්ලක් සිදුකර තිබේ.
නිලුපුල් රාජපක්ෂ මෙසේ පැවසුවේය.
” කණ්ඩායම් රැස්වීමේ දි බහින්බස් වීමක් සිදුවෙලා තියනවා. කණ්ඩායම් රැස්වීම නිමා වූ පසු දෙදෙනා අතර ගැටුමක්ඇති වෙලා. . ඒ් වෙලාවෙදි මහින්දානන් අලුත්ගමගේ මන්ත්රීවරයා මගේ පියා වු ගුණතිලක රාජපක්ෂ මන්ත්රීවරයා ගේ ෂර්ට් එකේ කොළර් එකෙන් අල්ලල අතින් සහ පයින් ගහලා තියනවා. ඊට පස්සේ තාත්තව තල්ලු කරලා තියනවා.”
“ඒ් වැටිච්චි පාර තාත්තගේ කකුලෙ දනහිසින් ඉහළ ක්රැක් ඒකක් වෙලා. තාත්තට අද සැත්කමක් කළා. මේ වනවිට තාත්තා ඉන්නේ දැඩි සත්කාර ඒ්කකයේ. අද දිනයේ කොටුව පොලිසියට ගිහින් මේ සම්බන්ධව පැමිණිල්ලක් කළා”
නිලුපුල් රාජපක්ෂ පැවසුවේය.
මේ පිළිබඳව පොලිසිය පවසන්නේ පැමිණිල්ල ලැබී ඇත්තේ එක් පාර්ශවයකින් පමණක් බවය. ස්ථිර තීන්දුවක් ගත හැක්කේ අනෙක් පාර්ශවයේ සාක්ෂි ද සටහන් කරගැනීමෙන් අනතුරුව බව පවසන පොලිස් මාධ්ය ප්රකාශකවරයා ස්ථිරව එම ස්ථානයේ සිදුවී ඇත්තේ කුමක් ද යන්න නිගමනය කළ හැක්කේ එවිට පමණක් බවය.
” දැනට අපට ලැබී ඇති තොරතුරු අනුව බහින්බස් වීමක් නිසා ඇතිවුන තත්ත්වයක් මත තමයි ගුණතිලක රාජපක්ෂ මන්ත්රීවරයා මේ ආකරයෙන් තුවාල ලබා තිබෙන්නේ. ”
“විමර්ශන ක්රියාත්මක වෙනවා. සිදුවීම සම්බන්ධව අදාල නීතිමය රාමුව තුළ ක්රියාත්මක වෙනවා.” පොලිස් මාධ්ය ප්රකාශකවරයා පැවසුවේය.
පාර්ලිමේන්තු මන්ත්රී මහින්දානන්ද අලුත්ගමගේ අවධාරණය කර ප්රකාශ කර ඇත්තේ තමන් කිසිම පහරදීමක් සිදුකර නැති බවය.
