මනම්පිටිය නිමල් ජයරත්න –
පොළොන්නරුව වැලිකන්ද, සෙවනපිටිය සුසිරිගම ගම්මානයට අද (16) අලුයම කඩා වැදුණු වන අලියෙකු පලවා හැරීමට වනජීවී නිලධාරින් නොපැමිණීම නිසා , එම ගම්මානයේ ට්රැක්ටර් රථ හිමියෙකු, මහ ට්රැක්ටරය පණ ගන්වා අලියා පිටුපස ධාවනය කරමින් එම අලියා ගම්මානයෙන් පලවා හැරීමට කටයුතු කළේය.
මෙලෙස ගම්වදින අලි පලවා හැරීමට මහා ටැක්ටර් පණ ගන්නවා රේස් කර වන අලියා පිටුපස ධාවනය කරවමින් අලි ගමෙන් රක්ෂිත කරා පැන්වීම සුලභ ලක්ෂණයක් වී ඇත.
වැලිකන්ද ප්රාදේශීය ලේකම් කොට්ඨාසයේ ග්රාම සේවා වසම් තිස් එකක අලි මිනිස් ගැටුම් මේ දිනවල බහුලව පවතී.
මෙලෙස ගම්වදින වන අලි පරවාහැරීම සඳහා වන ජීවි නිලධාරින්ට ප්රමාණවත් පහසුකම් සහ අලි වෙඩි තුවක්කු සඳහා පතුරම් හිඟය. ඒ හේතුවෙන් වනජීවී නිලධාරීහු ගම්වදින අලි පලවා හැරීමට.මැලිකමක් දක්වති.
වැලිකන්දේ අලි මිනිස් ගැටුම් මර්දනය කිරීම සඳහා ප්රමාණවත් පහසුකම් නොමැති වීම පිළිබඳ අප වැලිකන්ද වනජීවී නිලධාරි කාර්යාලයෙන් දුරකථනයෙන් කළ විමසීමේදී, එහි නිලධාරියකු සඳහන් කළේ වැලි කන්දේ වසම් තිස් එකක පවතින අලි මිනිස් ගැටුම් මර්ධනය කිරීමට ප්රමාණවත් අලි වෙඩි නොමැති බවය.
තුවක්කු කීපය සඳහා ඇත්තේද පතුරම් දෙකක් පමණක් බව හෙතෙම කීවේය.
