අනුරාධපුර – මහනුවර ප්රධාන මාර්ගයේ මරදන්කඩවල ප්රදේශයේදී මෝටර් රථයක් සහ වෑන් රථයක් මුහුණට මුහුණ ගැටී සිදුවූ රිය අනතුරකින් තුවාල ලැබූ විදෙස් යුවළක් ඇතුළු නව දෙනෙකු රෝහල ගත කර තිබේ.
අනතුරින් විදෙස් යුවල සහ විදෙස් යුවල ගමන් ගත් මෝටර් රථයේ රියදුරා බරපතල තුවාල ලබා ඇතැයි අනුරාධපුර ශික්ෂණ රෝහල් ආරංචි මාර්ග පවසයි.
විදෙස් යුවළක් රැගෙන අනුරාධපුර දෙස සිට කොළම දෙසට ගමන් කරමින් තිබූ මෝටර් රථය ඊට ප්රතිවිරුද්ධ දිසාවෙන් පැමිණි වෑන් රථයේ මුහුණට මුහුණ ගැටීමෙන් මෙම අනතුර සිද්ධ වී තිබිණි.
වෑන් රථයේ සිටි සෙසු පිරිස ද ප්රතිකාර සඳහා මරදන්කඩවල රෝහලට ඇතුළත් කිරීමෙන් අනතුරුව වැඩිදුර ප්රතිකාර සඳහා අනුරාධපුර ශික්ෂණ රෝහලට මාරු කර යවා ඇත.
අනතුර සම්බන්ධයෙන් මරදන්කඩවල පොලීසිය විසින් වැඩිදුර පරීක්ෂණ පවත්වයි.
