මත්ද්රව්ය වරදකට වරදකරු වී මරණීය දණ්ඩනය හිමි වූ පුද්ගලයෙක් සැඟව ජීවත් වෙමින් සිටිය දී දස වසරකට පසු අත්අඩංගුවට ගැනීමට පොලිස් මත්ද්රව්ය කාර්යාංශයේ නිලධාරීහු සමත් වූහ.
වර්ෂ 2000 දී පොලිස් මත්ද්රව්ය කාර්යාංශයේ නිලධාරින් විසින් හොරොයින් ග්රෑම් 03ක් සහ මිලිග්රෑම් හත්තෑ හයක් සන්තකයේ තබාගෙන සිටිය දී අත්අඩංගුවට ගත් පුද්ගලයෙක් සම්බන්ධව කොළඹ මහාධිකරණයේ නඩුවක් විභාග විනි. එහිදී සැකකරුට ඇප නියම විය.
එහෙත් නැවත සැකකරු අධිකරණයේ පෙනී නොසිට අධිකරණය මග හැරියේය. මහාධිකරණය ඔහු නොමැතිව නඩුව විභාගයට ගත්තේය. අනතුරුව වර්ෂ 2012.05.08 දින මහාධිකරණය විසින් පුද්ගලයාට එරෙහිව මරණීය දණ්ඩනය නියම කර විවෘත වරෙන්තුවක් ද නිකුත් කළේය.
මේ පුද්ගලයාව වසර 10ක් ඉකුත් වූ පසු, ඊයේ, එනම් 2023.01.23 දින අත්තනගල්ල කහටෝවිට ප්රදේශයේ සැඟව ජීවත් වෙමින් සිටිය දි පොලිස් මත්ද්රව්ය කාර්යාංශය විසින් අත්අඩංගුවට ගත්තේය.
අත්අඩංගුවට ගත් පුද්ගලයා අද කොළඹ මහේස්ත්රාත් අධිකරණය වෙත ඉදිරිපත් කළේය.
