ජාතික මළල ක්රීඩා උළෙලේ සියවස් සැමරුම් ක්රීඩා ශූරතා තරගාවලියේ මීටර 400කඩුලූ මතින් දිවයාමේ තරගයේදී ජාතික වාර්තාවක් අත්පත් කරගනිමින් රන් පදක්කමක් ද හිමිකරගෙන නිවසට පැමිණ පැය 24ක් යෑමටත් මත්තෙන් ගෙල වැලලාගෙන සියදිවි හානිකර ගෙන තිබූ කෞශල්යා මදුශානි ජාතික ක්රීඩිකාවගේ මරණ පරීක්ෂණය කුලියාපිටිය ශික්ෂණ රෝහලේදී නාගරික හදිසි මරණ පරීක්ෂක නන්දන පී. හෙට්ටිමගේ විසින් ඊයේ (25) පැවැත්වීය.
මරණකාරියගේ වැඩිමහල් සොයුරිය ප්රියංගනී සුසීමා(44) සාක්ෂි දෙමින් මෙසේ පැවසුවාය.
“මියගොස් ඇත්තේ මාගේ බාලම නංගි.. ඇය ජීවත් වුණේ අම්මත් එක්ක වෙනම නිවසක. ඇය ශ්රී ලංකා යුදහමුදා ක්රීඩා සංචිතයේ ලාන්ස් කෝප්රල්වරියක ලෙස පනාගොඩ කඳවුරේ සේවය කරමින් සිටියා.“
“ඇය දියගම පැවති ක්රීඩා තරගයකට සහභාගි වෙන්න 23 වැනිදා ගියා. සවස 5ට පමණ ඇගේ යෙහෙළියක් සමගින් යළිත් නිවසට ආවා. පසුදින (24) උදේ ඇගේ යෙහෙළිය පිටත්වෙලා ගියා.“
“මම අපේ නිවසේ සිට නංගීට උදේට කන්න එන්න කියන්න නංගිගේ නිවසට ගියා… ඒ වෙලාවෙ උදේ 9ට පමණ ඇති. ඒත් එයා කිව්වා දැන්ම කන්න බැහැ කියලා කිව්වා. “
මා ආපසු මගේ නිවසට පැමිණ මද වේලාවකට පසුව නංගිගේ තවත් යෙහෙළියක් ඇගේ මංගල උත්සවේට නංගිට ආරාධනා කරන්න අපේ නිවසට ආව නිසා යළිත් මම නංගිගේ නිවසට යෙහෙළිය සමගින් ගියා. ඒ වෙනකොට වෙලාව උදේ 10යි.
අපේ නිවසට යාව පිහිටි නංගීගේ නිවසේ ඒ යන විට ජනෙල් දොරවල් වසා අගුලූ දමා තිබුණෙ. මම නංගිට කථා කළා. දොරට ගැසුවත් ප්රතිචාර නොදැක්වූ නිසා මම හිතුවෙ තරගයට සහභාගී වෙච්චි මහන්සියට නංගි නිදි කියලා.
ඊට පස්සෙ මම නංගිගෙ නිදන කාමරයේ ජනේලයට ගැහුවා. තදින් පහරදෙනකොට එක් ජනෙල් පියනක් ඇරුණා. එතකෙට මම දැක්කෙ නංගි ඇඳ අසල දණ ගහගෙන ඉන්නවා වගෙ. නංගී සුරතලයට ඇති කරන බලූපැටවාඑ ඒ අසල සිට නංගීගේ මුහුණ ලෙවකමින් සිටියා.
ඒ එක්කමඑ මම දැක්කා නංගිගෙ බෙල්ල ප්රදේශයෙන් ලණුවක් වැනි යමක්. මම හයියෙන් කෑගැසුවා. ඒ හඬඑ ඇසුන මාගේ සැමියත් අසල නිවෙස්වල අයත් දිව ආවා. සැමියා පිටුපස දොරගුලූ කඩා නංගීගේ කාමරයට ඇතුළු වී ලණුව කපා සිහිසුන්ව සිටි නංගිව කඩිනමින් කුලියාපිටිය ශික්ෂණ රෝහලට ඇතුළු කළා.
ඇය මියගොස් සිටි බව අපිට වාර්තා වුණා. කුමන හේතුවකට නංගී එවන් දෙයක් කළා ද කියන්න හිතාගන්න බැහැ.
කෙසේ වෙතත් අපිට මරණය ගැන සැකයක් නැහැ. මියගිය කෞශල්යාගේ මව නාලනී කුසුමලතා(66) ය. ක්රීඩිකාව රෝහල් ගතකළ මස්සිනා වූ මිල්රෝයි ප්රසන්දික(46) ය. ඔවුහු ද සාක්ෂි ලබා දුන්හ.
දේහය පිළිබඳ පශ්චාත් මරණ පරීක්ෂණය කුලියාපිටිය ශික්ෂණ රෝහල් අධිකරණ වෛද්ය නිලධාරී ඩී. කේ. විජේවර්ධන විසින් සිදුකළේය.
මරණය පිළිබඳ තීන්දුව ප්රකාශයට පත්කිරීම මරණ පරීක්ෂකවරයා විසින් හෙට (27) දක්වා කල්තබා තිබිණ.
