තුෂාරී කළුබෝවිල –
ගිනිකොණ දිග බෙංගාල බොක්ක මුහුදු ප්රදේශයේ අඩු පීඩන කලාපයක් නිර්මාණය වී ඇති බව කාලගුණ විද්යා දෙපාර්තමේන්තුව නිවේදනය කරයි.
මේ හේතුවෙන් උතුරු අක්්ෂාංශ 05 ත්, නැගෙනහිර දේශාංශ 85 සහ 95 ත් අතර මුහුදු ප්රදේශයට ඉදිරි
පැය 24 තුළ යාත්රා නොකරන ලෙස ධීවර සහ නාවික ප්රජාවට අනතුරු අඟවන කාලගුණ විද්යා දෙපාර්තමේන්තු නිලධාරීන් පැවසූවේ දැනට මෙම මුහුදු ප්රදේශවල ධීවර කටයුතුවල යෙදී සිටින පිරිස වහාම ගොඩබිමට හෝ ආරක්ෂිත
ස්ථානයක් වෙත යොමු කළ යුතු බවයි.
මේ පිළිබඳ ව බහු දින ධීවර යාත්රා වඩාත් සැලකිලිමත් වියයුතු බවට අනතුරු ඇඟවේ.
මෙම වායු පීඩන පද්ධතිය බටහිරට බර ව වයඹ දෙසට ගමන් කරමින් ජනවාරි 31 වන විට නිරිත දිග බෙංගාල බොක්ක
මුහුදු ප්රදේශය ආශ්රිත ව පීඩන අවපාතයක් දක්වා වර්ධනය විය හැකි බව කාලගුණ විද්යා දෙපාර්තමේන්තුව පවසයි.
පෙබරවාරි 01 වන දින වනවිට එය ශ්රී ලංකාවේ නැගෙනහිර වෙරළට ළඟා වනු ඇත.
සමකයත්, උතුරු අක්ෂාංශ 05 ත්, නැගෙනහිර දේශාංශ 85 සහ 95 ත් අතර මුහුදු ප්රදේශවල සුළඟේ
වේගය පැයට කිලෝමීටර් 40-45 පමණ වන අතර විටින් විට එම වේගය පැයට කිලෝමීටර් 60 දක්වා වැඩිවිය හැකි බව ද පැවසේ.
ඉහත කී මුහුදු ප්රදේශ ඉතා රළු වන අතර තද වැසි හෝ ගිගුරුම් සහිත වැසි ද ඇති වන බව කාලගුණ විද්යා දෙපාර්තමේන්තුව අවධාරණයකරයි.
