බීමතින් රිය පදවමින් නාවික හමුදාපතිවරයාගේ රාජකාරි ගමනක් අවහිර කිරීමේ චෝදනා පිට හිටපු ජනාධිපති ගෝඨාභය රාජපක්ෂගේ මාධ්ය අධ්යක්ෂ ජනරාල් සුදේව හෙට්ටිආරච්චි අත්අඩංගුවට ගෙන තිබේ.
රාජ්ය තාන්ත්රිකයින් පිරිසක් ගමන් ගත් රථ පෙළකට බාධාවන සේ බීමතින් රිය පැදවූ බව කියන සිද්ධියක් සම්බන්ධයෙන් ප්රභූ ආරක්ෂක අංශ නිලධාරීන් විසින් කළ දැනුම් දීමකට අනුව මහනුවර පොලීසිය මගින් අද (16) අත්අඩංගුවට ගනු ලැබුවේය.
ප්රභු ආරක්ෂක රථ පෙළ අද පස්වරු 3.30 ට පමණ කටුගස්තොට පාලම මතින් ගමන් ගනිත් දී මෙම බාධා කිරීම සිදුව තිබෙන අතර අදාළ වාහනය නවත්වා පරීක්ෂා කිරීමේ දී රියදුරු බීමතින් සිටින බවට සැකසිතී ප්රභු ආරක්ෂක නිලධාරීන් විසින් ඒ බව පොලීසියට දැනුම් දෙනු ලැබ ඇත.
පසුව කළ පරීක්ෂාවේ දී සුදේව හෙට්ටිආරච්චි බීමත්ව සිටින බව අනාවරණය වී තිබේ. සිද්ධිය වන අවස්ථාවේ ඔහු සමඟ ජනප්රිය ගායකයෙකු ඇතුළු තවත් දෙදෙනෙකු සිට ඇත.
බීමතින් රිය පැදවීමේ චෝදනාව පමණක් ඉදිරිපත් කර සුදේව හෙට්ටිආරච්චි පොලිස් ඇප මත මුදා හැරීමට මහනුවර පොලීසියේ රථ වාහන අංශය පියවර ගෙන තිබේ. ඔහුට මෙම මස 23 දින අධිකරණයේ පෙනී සිටින ලෙස පොලීසිය දැනුම් ඇතැයි වාර්තා වේ.
අදාළ සිද්ධිය වාර්තා වීමත් සමඟ මහනුවර පොලිස් ප්රධානීන් කිහිප දෙනෙකුම එම ස්ථානයට පැමිණ ඇත.
