දිනසේන රතුගමගේ –
සිය නැන්දනිය කේලම් කීම නිසා වවුනියාවේ සුන්දරපුරම් ප්රදේශයේ පුද්ගලයෙකු විසින් ඔහුගේ නැන්දනියගේ කටට වෙඩි තැබීම නිසා එම කාන්තාව බරපතල ලෙස තුවාල ලබා වවුනියාව මහ රෝහලට ඇතුළත් කොට තිබේ.
කාන්තාවට වෙඩි තබන ලද පුද්ගලයා එම කාන්තාවගේ බෑනා කේලම් කීමේ සිද්දියක් මත උරණ වී කාන්තාවගේ කටට වෙඩි තබා ඇති බව සිද්ධිය සම්බන්ධයෙන් පරීක්ෂණ පවත්වන වවුනියාවේ ඊච්චන්කුලම පොලීසියට තොරතුරු ලැබී තිබේ. කේලම නිසා දැඩි සේ උරණ වූ බෑනා සිය නැන්දම්මාගේ නිවසට ගොස් මෙම වෙඩිතැබීම සිදු කොට ඇත.
වෙඩි තැබීමෙන් තුවාල ලබා ඇත්තේ වයස අවුරුදු 53 ක කාන්තාවක් වන අතර ඇයට වෙඩි තබන ලද තුවක්කුව පොලීසිය විසින් සොයා ගෙන තිබේ. කාන්තාවට වෙඩි තැබීමෙන් පසුව වෙඩි තබන ලද බෑනා පළාතෙන් පලාගොස් ඇති අතර ඔහුව අත් අඩංගුවට ගැනීමට ඊච්චන්කුලම පොලීසිය පරීක්ෂණ ආරම්භ කොට තිබේ.
ඊයේ (06) රාත්රියේ සිදුවී ඇති මෙම සිද්ධිය පිළිබඳව ඊච්චන්කුලම පොලීසිය සිද්ධිය පිළිබඳ වැඩිදුර විමර්ශන පවත්වයි.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්රෑම් සමූහයන්ට එක්වෙන්න.
