බංගලාදේශය සමග පුහුණු තරගය කඩුළු 07ක බිහිසුණු පරාජයකින් නිමා වී තිබේ.
කාසියේ වාසිය දිනා ගැනීමෙන් අනතුරුව මුලින්ම පන්දුවට පහර දුන් ශ්රී ලංකා කණ්ඩායම ලබා ගත් ලකුණු 263ක ඉලක්කයක් පන්දු 48ක් ඉතිරිව තිබිය දී කඩුළු 03ක් පමණක් දැවී ලබා ගන්නට බංගලාදේශ කණ්ඩායම සමත් වී ඇත.
විශිෂ්ට පිතිකරණයක නිරත වූ බංගලාදේශ ක්රීඩකයෝ තරගය මුලුමනින්ම තමන්ට නතු කරගත්හ. ටන්සිඩ් හසන් සහ ලින්ටන් දාස් පළමු කඩුල්ල වෙනුවෙන් විශිෂ්ඨ ලකුණු 131ක සම්බන්ධතාවයක් ගොඩනැගූහ.
ආරම්භක පිතිකරු ටන්සිඩ් හසන් පන්දු 88ක දී ලකුණු 88කි. ඊට හතරේ පහර 10ක් සහ හයේ පහර 2 කි. ලින්ටන් දාස් පන්දු 56ක දී හතරේ පහර 10ක් සමග ලකුණු 61කි. තරගයේ නායකත්වය දැරුවේ මේදි හසන් මිරාස්ය. පන්දු යැවිමේ දී කඩුළු 03ක් දවා ගත් තුන් ඉරියව් නායකයා පන්දු 64ක දී හතරේ පහර 05ක් සහ හයේ පහර 2ක් සමග නොදැවී ලකුණු 67කි. කඩුළු රකින ක්රීඩ මුෂ්ෆිකර් රහ්මාන් නොදැවි ලකුණු 35කි. අපේ කණ්ඩායම ප්රදානය කළ අතිරේක ලකුණු 17කි.
කඩුළු 03ක් පමණක් දැවී බංගලාදේශ කණ්ඩායම ලකුණු 264 ඉක්මවා යන්නේය.
පුහුණු තරගයේ දී අපට හිමි වූ එකම දේ තාවකාලිකව සැඟවී තිබු කුසල් ජනිත් ගේ උරහිසේ ආබාධය මතු වීමය.
සුපුරුදු ලෙසම දසුන් ශානක ෆේල්ය. ඔහු හිස ඔසවනවා නම් ආරම්භයක් ලබා ගැනීමට තවත් එක් පුහුණු තරගයක් ඉතිරි වී ඇත.
ශ්රී ලංකා පිල ලකුණු 262 ලබා ගැනීමේ දී පැතුම් නිශ්ශංක ලකුණු 68ක්, කුසල් පෙරේරා ලකුණු 34ක්, කුසල් මෙන්ඩිස් ලකුණු 22ක්, චරිත් අසලංක සහ දිමුත් කරුණාරත්න ලකුණු 18 බැගින් ලැබූහ.
පුහුණු තරගයක් වුවත් ජයග්රහණය වැදගත් වන්නේ පරාජිත මානසිකත්වයෙන් ගැලවීම සඳහාය. ආසියානු කුසලානයේ දී කුඩුපට්ටම් වුන මානසික ශක්තිය යළි ගොඩනගා ගැනීමට ඊලඟ පුහුණු තරගයවත් උපකාර කරගත නොගතහොත් මේ ලෝක කුසලානයත් දුක්ඛිත මතකයක් පමණක් වනු ඇත.
අද පැවැත්වුන අනෙක් පුහුණු තරග දෙකින් එකක් වන ඇෆ්ගනිස්ථාන දකුණු අප්රිකා තරගය පන්දුවක්වත් ක්රීඩා නොකර අයහපත් කාලගුණ තත්ත්වය නිසා අත්හැර දැමුවේය.
පකිස්ථානය හා නවසීලන්තය අතර පැවතියේ දැවැන්ත තරගයකි. හයිද්රාබාද්හි පැවති තරගයේ කඩුළු 05ක් දැවී ලකුණු 345ක් ලෙස පකිස්ථානය ලබා දුන් ඉලක්කය නවසීලන්ත කණ්ඩායම කඩුළු 05ක් දැවී ඕවර 43.4ක් තුළ ලබා ගත්තේය. නවසීලන්ත කණ්ඩායම පකිස්ථානය පරදවා කඩුළු 05ක ජයග්රහණයක් ලැබීය.
