පාර්ලිමේන්තුවේ අනුමැතිය සදහා ඉදිරිපත් කර ඇති කොළඹ වරාය නගර ආර්ථික කොමිසන් පනත් කෙටුම්පතෙහි ඇතැම් වගන්ති ආණ්ඩුක්රම ව්යවස්ථාවට පටහැනි බවට ප්රකාශ කරන ලෙසට ඉල්ලා ගොනු කර ඇති විශේෂ පෙත්සම් සලකා බැලීම අද පෙරවරු 10:12 ට පමණ ශ්රේෂ්ඨාධිකරණයේ දී ආරම්භ වූයේය.
අද දින විශේෂ පෙත්සම් 19 විභාග කිරීමට ශ්රේෂ්ඨාධිකරණය ලැයිස්තු කර තිබුණු අතර පෙත්සම් වලට එරෙහිව අතරමැදි පාර්ශවයන් කිහිපයක් ද පෙත්සම් ගොනු කර තිබුණි .
අමාත්ය ජි.එල්. පීරිස් , ශ්රි ලංකා පොදුජන පෙරමුණේ ලේකම් පාර්ලිමේන්තු මන්ත්රී සාගර කාරියවසම් , ශ්රි ලංකා පොදුජන පෙරමුණේ නීතිඥ සංගමය, මුදල් අමාත්යාංශයේ ලේකම්වරයා , කැබිනට් මණ්ඩලයේ ලේකම්වරයා ඇතුළු පාර්ශවයන් රැසක් මෙම පෙත්සම් වලට එරෙහිව කරුණු ඉදිරිපත් කිරීමට අවසර ඉල්ලා සිටියහ.
ඒ අනුව අතරමැදි පාර්ශවයන් වෙනුවෙන් පෙනී සිටින නීතිඥවරුන්ට පෙත්සම්කරුවන් වෙනුවෙන් පෙනී සිටින නීතිඥවරුන් කරුණු ඉදිරිපත් කිරීමෙන් පසුව කරුණු ඉදිරිපත් කිරීමට අවස්ථාව ලබා දෙන බව අගවිනිසුරුවරයා දැනුම් දෙන ලදී.
එම පාර්ශවයන්ගේ වාචික දේශන වලින් පසු නීතිපතිවරයාට කරුණු ඉදිරිපත් කිරීමට අවස්ථාව ලබා දෙන බව අගවිනිසුරුවරයා දැනුම් දෙන ලදී .
මෙම පෙත්සම් අගවිනිසුරු ජයන්ත ජයසූරිය , විනිසුරු බුවනෙක අලුවිහාරෙ , විනිසුරු ප්රියන්ත ජයවර්ධන, සහ විනිසුරු මුර්දු ප්රනාන්දු සහ විනිසුරු ජනක් ද සිල්වා යන පංච පුද්ගල විනිසුරු මඩුල්ලක් ඉදිරියේ කැදවන ලදී .
පාර්ලිමේන්තුවේ අනුමැතිය සදහා ඉදිරිපත් කර ඇති කොළඹ වරාය නගර ආර්ථික කොමිසන් පනත් කෙටුම්පතෙහි ඇතැම් වගන්ති ආණ්ඩුක්රම ව්යවස්ථාවට පටහැනි බවට ප්රකාශ කරන ලෙසට ඉල්ලා විට සමගි ජනබලවේගය , ජනතා විමුක්ති පෙරමුණ, එක්සත් ජාතික පක්ෂය , ශ්රී ලංකා නීතිඥ සංගමය ඇතුළු පාර්ශවයන් කිහිපයක් විශේෂ පෙත්සම් 19 ගොණු කර තිබිණි.
– නෙත් –
