දිනසේන රතුගමගේ –
ඉන්දියාවේ ධනුස්කොඩියේ සිට තලෙයිමන්නාරම දක්වා පිහිනමින් නව ලෝක වාර්තාවක් තැබිමට පාසල් සිසුවෙකු ඊයේ 28 දා සමත් වී තිබේ.
මඩකලපුව ශාන්ත මයිකල් විද්යාලයේ ශිෂ්යයෙකු වන දේවේන්ද්රන් මධුෂිකන් නැමති මෙම සිසුවා ජනාධිපති බාල දක්ෂයෙකු වශයෙන්ද කටයුතු කරයි.
පෝක් සමුද්ර සන්ධිය හරහා කිලෝ මීටර් 30 ක දුරක් පැය 14 ක කාලයකින් පීනා අවසන් කළ පාසල් සිසුවෙකු වශයෙන් ඔහු නව ලෝක වාර්තාවට හිමිකම් කියනු ලබයි.
ධනුස්කොඩියෙන් අළුයම එකට පිහිනීම ආරම්භ කළ මෙම ශිෂ්යයා පස්වරු 3-05 ට තලෙයිමන්නාරම වෙත ළගා විය.
මේ අවස්ථාවට මන්නාරම හා මඩකලපුව යන පළාත්වල දිසාපතිවරුන්, පාර්ලිමේන්තු මන්ත්රීවරු අතුළු විශාල පිරිසක් එක් වී සිටියහ.
