තමන් මෙහෙයවන පෞද්ගලික නර්තන පන්තියට පැමිණි බාලවයස්කාර දැරියන්ට ලිංගික අතවර කිරීමේ චෝදනා මත හංවැල්ල පොලිසියෙන් අත් අඩංගුවට ගෙන උසාවියට ඉදිරිපත් කිරීමෙන් අනතුරුව ඇප මත නිදහස්ව සිටින අධ්යාපන අමාත්යාංශයේ නිලධාරියෙක්ව ආරක්ෂා කිරීමේ වැඩපිළිවෙළක් ක්රියාත්මකව ඇති බවත් මේ පුද්ගලයා සම්බන්ධව අධ්යාපන අමාත්යාංශය මගින් මෙතෙක් කිසිම විනය පියවරක් ගෙන නැති බවත් වාර්තා වේ.
ළමා අපචාර චෝදනා මත මෙලෙස අත් අඩංගුවට පත්වන්නේ හංවැල්ල බටේවෙල ප්රදේශයේ පදිංචි විවාහක නර්ථන පන්ති ගුරුවරයෙකු වන අතර ඔහු බත්තරමුල්ල අධ්යාපන අමාත්යාංශයේ සේවය කරන අයෙකි.
සැකකරු විසින් තම නර්ථන පන්තියට පැමිණි දැරියන්ගේ ලිංගික අවයව අත පත ගාමින් ඔවුන්ව කාමර තුළට රැගෙන ගොස් අතවර කිරීම් සහ වට්ස්ඇප් මාර්ගයෙන් අසභ්ය ඡායාරූප යවමින් අපයෝජනයට ලක් කිරීම සිදුකර ඇති බවට අනාවරණය වී ඇත.
සැකකරු සම්බන්ධයෙන් තවත් පොලිසි කිහිපයකට ද පැමිණිලි ලැබී ඇත.
මොහු වරක් දැරියක් අමාත්යංශ පරිශ්රයට ගෙන ගොස් අපයෝජනයට ලක් කර ඇති බවටද චෝදනා එල්ල වී තිබේ.
උසාවියට ඉදිරිපත් කොට ඇප පිට නිදහස් කර තිබෙන මේ පුද්ගලයා නැවත සේවයට වාර්තා කර ඇති අතර මොහුට එරෙහිව අධ්යාපන අමාත්යාංශය මගින් මේ දක්වා කිසිදු විනය පියවරක් ගෙන නොතිබීම බොහෝ දෙනාගේ විමතියට හේතු වී තිබේ.
