දකුණු අප්රිකාවට දැවැන්ත පහරක් එල්ල කරමින් ඔවුන්ගේ මුල් පෙළ වේග පන්දු යවන ක්රීඩක ජෙරල්ඩ් කොට්සි දකුණු පාදයේ හටගත් ආබාධයක් නිසා ශ්රී ලංකාවට එරෙහිව පැවැත්වෙන දෙවන ටෙස්ට් තරගයෙන් මෙන්ම පාකිස්තානයට එරෙහිව එළඹෙන තරඟාවලියෙන් ද ඉවත් කර තිබේ.
ශ්රී ලංකාවට එරෙහි ඩර්බන් ටෙස්ට් තරගයේ සිව්වන දිනයේ පන්දු යවමින් සිටියදී ආබාධයකට ලක් වූ කොට්සිගේ දකුණු ඉඟටිය ප්රදේශයේ මාංශ පේශි අබාධයක් ස්කෑන් පරීක්ෂණවලින් අනාවරණය ඇත. වෛද්ය නිර්දේශ අනුව ඔහුට සති හයක් දක්වා ක්රීඩාවෙන් විවේක ගැනීමට සිදුවි ඇත.
දකුණු අප්රිකානු පුහුණුකරු ශුක්රි කොන්රාඩ් තරගයෙන් ප්රකාශ කළේ කෝට්සි දිවා ආහාරයේදී ඔහුට කතා කර “ඉඟටිය හිරිවැටීමක් දැනෙන්නේ යැයි දැනුම් දුන් බවය. ” දිවා ආහාරයෙන් පසුව ඉඟ පෙදෙස බැන්ඩේජ් කිරිමකින් අනතුරුව ඔහු නැවත පිටියට ගොස් තිබේ.
කොට්සිගෙන් පුරප්පාඩුවන ස්ථානයට තවමත් පාසල් වියේ පසුවන 18 හැවිරිදි යොවුන් වේගපන්දු යවන්නෙකු වන ක්වේනා මෆාකා සංචිතයට කැඳවීමට දකුණු අප්රිකානු ක්රිකට් තේරිම් කමිටුව තීරණය කර ඇත. ඔහු අන්ර්ජාතික තලයේ ක්රීඩාවට පිවිසෙන්නේ මේ වසරේ මුලදී ය. ඔහු තවමත් ක්රීඩා කර ඇත්තේ ජාත්යාන්තර විස්සයි 20 තරග තුනක් පමණය. එහෙත් දකුණු අප්රිකානු ක්රිකට් ඔහු සම්බන්ධව විශ්වාසය තබා ඇත.
මේ වනවිට වේග පන්දු යවන දකුනු අප්රිකානු තුන් ඉරියව් ක්රීඩක වියාන් මෝල්ඩර් ද ඇඟිල්ලක අස්ථි බිඳිමක් හේතුවෙන් තරග නොකරන පසුබිමක කොඑට්සිගේ අඩුව කණ්ඩායමට දැඩිව දැනෙනු ඇතැයි විචාරකයෝ කියති. නන්ඩ්රේ බර්ගර් සහ ලුන්ගි න්ගිඩි ද ආබාධ හේතුවෙන් කණ්ඩායමෙන් ඉවත්ව සිටිති.
කුණු අප්රිකාව දෙසැම්බර් 5 සහ 9 දක්වා ශ්රී ලංකාව සමඟ දෙවන ටෙස්ට් තරඟයට සහභාගී වනු ඇත. ඉන් අනතුරුව ඔවුන් පකිස්ථානය සමඟ විස්සයි20 තරඟ තුනක්, එක්දින තරඟ තුනක් සහ ටෙස්ට් තරඟ දෙකක් සඳහා සත්කාරකත්වය දරනු ඇත.
