පසුගිය ජනවාරි සිට අගෝස්තු දක්වා මාස 8ක කාලයක් තුළ විදේශ ගමන් බලපත්ර ලක්ෂ 7ක් නිකුත් කර ඇති බව ආගමන හා විගමන දෙපාර්තමේන්තුව සඳහන් කරයි.
එම දෙපාර්තමේන්තුව උපුටා දක්වන ඩේලි ෆයිනෑන්ෂල් ටයිම්ස් පුවත්පත සඳහන් කරන්නේ පසුගිය වසරේ (2021) මුල් මාස 8ට සාපේක්ෂව සීයට 312ක වර්ධනයක් බවයි.
ඒ අනුව 2021 පළමු මාස 8 තුළ විදේශ ගමන් බලපත් 171,168ක් නිකුත් කර ඇති අතර මෙම වසරේ එම කාලය තුළ ගමන් බලපත්ර 7054121 නිකුත් කර තිබේ. සංඛ්යාලේඛන අනුව මාසිකව නිකුත් වී ඇති විදේශ ගමන් බලපත්ර ප්රමාණය 88000 ඉක්මවයි.
ආගමන විගමන දෙපාර්තමේන්තු ඉතිහාසයේ ඊට පෙර වසරක් තුළ නිකුත් වූ වැඩිම විදේශ ගමන් බලපත්ර සංඛ්යාව සටහන්ව ඇත්තේ 6 58 725ක් ලෙසිනි. ඒ 2016 වසරේදීය.
ඒ අනුව මෙම වසරේ විදේශ ගමන් බලපත්ර මිලියනකයට ආසන්න වාර්තාගත නිකුතුවක් සිදුවෙනු ඇතැයි ආගමන විගමන බලධාරීහු විශ්වාසය පළ කරති.
ආගමන විගමන දෙපාර්තමේන්තුවේ මාධ්ය ප්රකාශිකා පියුමි බණ්ඩාරට අනුව පසුගිය අගෝස්තු මාසය තුළ විදේශ ගමන් බලපත් අයදුම්පත් 116 244ක් ඉදිරිපත් වී ඇති අතර එයින් 115 152ක් විදේශ ගමන් බලපත් නිකුත් වී ඇත. අගෝස්තු මාසයේ විදේශ ගමන් බලපත් නිකුතුව, පසුගිය වසරේ අගෝස්තු මාසය හා සැසඳීමේදී සීයට 297ක් වර්ධනයකි.
