ඉඳුනිල් කහටපිටිය –
පාසල් සිසුවියන් සමග ප්රේම සම්බන්ධතා පවත්වමින් ඔවුන් මහනුවර රාජසිංහ මාවතේ මාවතේ ලැගුම්හල් දෙකකට වරින් වර රැගෙන ගොස් දූෂණය කරන අතර ලබා ගත් වීඩියෝ දර්ශන සමාජ මාධ්යයට මුදා හැරීමේ නින්දිත සිද්ධියක් සම්බන්ධව මහනුවර ප්රසිද්ධ පාසලක උසස් පෙළ හදාරන සිසුන් දෙදෙනෙක් අත් අඩංගුවට ගෙන මහනුවර අධිකරණයට ඉදිරිපත් කිරීමෙන් අනතුරුව ජනවාරි මස 01 දා දක්වා රක්ෂිත බන්ධනාගාරගත කර තිබේ.
මින් එක් 15 හැවිරිදි සිසුවියක් රැගෙන ගිය ලැගුම්හල් දෙකේ හිමිකරුවන් හා කළමනාකරුවන් ද පොලීසිය විසින් අත්අඩංගුවට ගෙන මහනුවර අධිකරණයට ඉදිරිපත් කිරීමෙන් පසු මෙම මස 22 දින දක්වා ඔවුන් රක්ෂිත බන්ධනාගාර ගතකර ඇත.
මහනුවර පොලීසියේ ළමා හා කාන්තා කාර්යාංශයේ නිලධාරීන් විසින් මෙම සිසුන් දෙදෙනා අත් අඩංගුවට ගන්නේ මෙම අපරාධය පිළිබඳව පැමිණිලි කළ මහනුවර ප්රධාන පෙළේ බාලිකා විද්යාලයක 15 හැවිරිදි සිසුවියකගේ පැමිණිල්ලකට අනුවය.
තමන්ගේ පෙම්වතා වූ පාසල් සිසුවා අතින් දූෂණය වූ දැරිය පොලිසියට පවසා ඇත්තේ ඔහු බීම වර්ගයක් සමඟ මත්ද්රව්යයක් මිශ්රකර තමාට ලබාදුන් බවත් ඉන් පසු සිදු වූ කිසිවක් මතක නොමැති බවත්ය.
අත් අඩංගුවට ගත් පාසල් සිසුන් දෙදෙනාගෙන් එක් සිසුවෙක් සමග මෙම 15 හැවිරිදි දැරිය ප්රේම සම්බන්ධතාවයක් පවත්වා ඇත. පෙම්වතා යැයි කී සිසුවා විසින් දැරිය ඇයගේ නිවස තුළදීම අවස්ථා කීපයක දී දූෂණය කර තිබේ. අනතුරුව ඇය අත් හැර දැමූ සිසුවා විසින් තම මිතුරෙක් සමග සම්බන්ධතාවයක් ඇති කරගැනීමට ඇයව පොළඹවා තිබේ.
අනතුරුව දැරිය පෙම්වතාගේ මිතුරා සමග සම්බන්ධයක් ගොඩනගාගෙන ඇති අතර ඔහු ඇයව දෙවන රාජසිංහ මාවතේ පිහිටි ලැගුම් හල වෙත රැගෙන ගොස් බීමට යමක් දී ඇයව මත් කර ඇති බවත්, අනතුරුව තමන්ගේ හිස වසාගෙන අය දූෂණය කරන ආකාරය සහිත නිරුවත් දර්ශන රැසක් රූගත කර තිබෙන බව පොලිස් පරීක්ෂණ මගින් හෙළිව ඇත.
අනතුරුව එම දර්ශන සිසුවියගේ දුරකථනයට යොමු කරමින් නිතර නිතර ඇයව ලැගුම් හලට ගෙන්වාගෙන දූෂණය කර ඇත. ඇයගේ පළමු පෙම්වතා ද ඊට සම්බන්ධ වෙමින් දැරියගේ නිරුවත් දර්ශන වටස්ඇප් හරහා සිසුන් වෙත මුදා සහ සිසුන් එක් වී සිටින වට්ස් ඇප් සමූහ වෙත මුදා හැර තිබේ.
අගතියට පත් වූ දැරිය පරිවාස භාරයට පත් වුවහොත් ඇතිවිය හැකි ව්යාකූල තත්ත්වය සලකා දැරියගේ මව හැකි උත්සාහයක් දරා ඇත්තේ දැරිය සමාජයට අනාවරණය නොකර හැකි උපරිම ආකාරයෙන් ඇයගේ ප්රශ්නය නිරාකරණය කරගැනීමට බව අනාවරණය වේ.
අත්අඩංගුවට ගත් එක් සිසුවෙකු ගේ ජංගම දුරකතනයේ තිබී පාසල් සිසුවියන් ද ඇතුළුව තරුණියන් රැසක ගේ නිරුවත් වීඩියෝ දර්ශන සොයා ගෙන ඇත.
සිද්ධිය සම්බන්ධව මහනුවර පොලිසියේ ළමා හා කාන්තා කාර්යාංශය පරීක්ෂණ පවත්වයි.
