පකිස්ථානයේ සියල්කෝට්හි දී අමානුෂික ඝාතනය කර පුලුස්සා දැමූ ශ්රී ලාංකික ජ්යෙෂ්ඨ කළමණාකාර ප්රියන්ත කුමාර දියවඩනගේ ඝාතනය අද (04) පාර්ලිමේන්තුවේ දී පක්ෂ විපක්ෂ දෙපාර්ශවයම දැඩි සේ හෙළා දැක්කේය.
මෙහිදී සභානායකවරයා විශේෂ ප්රකාශයක් කරමින් දන්වා සිටියේ ලොව මවිත කරවන මේ අමානුෂික ප්රහාරය රජයක් ලෙස දැඩි සේ හෙළා දකින බවය. සභානායකවරයා මෙසේ පැවසීය.
“දේශ සීමා රහිත අන්තවාදින්ගේ ප්රහාරයට ලක්ව මිය ගිය පකිස්ථානයේ කර්මාන්ත ශාලාවක කළමානාකරු වූ ශ්රී ලංකා විශ්විද්යාල උපාධිධර ප්රියන්ත කුමාර දියවඩන මැතිතුමාගේ මරණය පිළිබඳව රජය තම සංවේගය පල කරන්නේ ඉතාම ආමානුෂික පෙළේ ලොවක් මවිත කරන ආකාරයෙන් ද සිදුවූ ක්රියාව තවදුරටත් හෙලා දකිමින්.“
“පකිස්තානු අගමැති ඉම්රාන් ඛාන් මැතිතුමා පූර්ණ පරීක්ෂණයක් කර යුක්තිය ඉටු කිරිමට මැදිහත් වී තිබීම අප අගය කරන බව විශේෂයෙන්ම මේ අවස්ථාවේ දී සඳහන් කරන්න ඕන.“
පාර්ලිමේන්තු මන්ත්රී ශාන්ත බණ්ඩාර. – ප්රියන්ත කුමාර සහෝදරයා පේරාදෙණිය විශ්විද්යාලයේ උපාධිධරයෙක්. ඉතා අසීරුවෙන් අධ්යාපනය ලබා ඔහු මේ තැනට පැමිණියෙ. ඔහුගෙ ඝාතනය සමගම අද පකිස්ථානයේ වෙසෙන ශ්රී ලාංකිකයන් දැඩි අසරණබවකට පත් වෙලා තියනවා. අන්තවාදීන්ගෙන් ඔවුන්ගේ ජීවිතවලට තර්ජනයක් වීමට ඉඩ නොදී රජයක් ලෙස අවශ්ය මැදිහත්වීම කරන්න කියලා මා ඔබතුමාගෙන් ඉල්ලා සිටිනවා.
වෙළෙඳ ඇමති බන්දුල ගුණවර්ධන –
ප්රියන්ත කුමාර දියවඩන කියන්නේ පේරාදෙණියවිශ්විද්යාලයේ උපාධිධාරියෙක්. ඔහුව මේ අකාරයෙන් දේශසීමා නැති ත්රස්තවාදීන් විසින් අමානුෂික ලෙක ඝාතනය කිරීම රටක් ලෙස හෙළා දකිනවා. පසුගිය කාල වකවානුව තුළ ඉම්රාන් ඛාන් අගමැතිවරයාගේ මැදිහත්වීමත් සමග ශ්රී ලංකාව සහ පකිස්ථානය අතර ඉතා සමීප සම්බන්ධතවක් ඇති වුණා. අපේ භික්ෂූන්වහන්සේ ගන්ධාරයට වැඩම කළා.
වර්ෂ 2005 සිට අපි පකිස්ථානය සමග වෙළෙඳ ගිවිසුමක් තියනවා. මේ තත්වය තුළ අප අතර ඇති සම්බන්ධතා පළුදුවීමේ අවකාශය නැති කළ යුතුයි. මේ සම්බන්ධව කතානායකවරයා වශයෙන් ඔබතුමා අවධානය යොමු කරන්න. පකිස්තථානු කතානායකවරයා සමග සාකච්ඡාවක් ඇති කරගෙන පකිස්ථානු පාර්ලිමේන්තුවේ අවධානය මේ සඳහා යොමු කරවන්න. පකිස්තාවේ වෙසෙන ශ්රී ලාංකිකයන්ට බියෙන් හා සැකයෙන් තොවර ජීවත් වෙන්න අවශ්ය පරිසරය හදලා දෙන්න ඔබතුමා මැදිහත් වෙන්න.
පාර්ලිමේන්තු මන්ත්රී රන්ජිත් මද්දුම බණ්ඩාර – ප්රියන්ත කුමාර මහතාගේ අමානුෂික ඝාතනය පිළිබඳ අපේ බලවත් කණාගටුව ප්රකාශ කරනවා. මේ අවස්ථාවේ දී අපේ පකිස්ථානු තානාපති කාර්යාලය හැසිරි ඇති ආකාරය පිළිබඳ කිසිසේත් සෑහීමකට පත් වෙන්න බෑ. ඔවුන්ගෙන් මේ රටේ මාධ්ය විමසූ විට ඔවුන් පවසා ඇත්තේ මේ ගැන තවම පැමිණිලි ලැබිලා නෑ කියලා. මේ වැනි අවස්ථාවක තානාපති කාර්යාලයක් කටයුතු කළ යුත්තේ මේ ආකාරයෙන් නොවෙයි. ඔවුන්ට වඩා ඉතා ඉදිරියෙන් ඉඳගෙන තා ඉම්රාන් ඛාන් අගමැති තුමා කටයුතු කරලා තියනවා. අපි එතුමාට ස්තුතිවන්ත වෙනවා.
අපේ රටෙත් මේ සම්න්ධව ප්රශ්න ඇති නොවන්න කටයුතු කරන්න කියලා මා පාර්ලිමේන්තුවේ දී ඔබතුමාගෙන් ඉල්ලා සිටිනවා.
