මේ රටත් ජෛව පද්ධතියත්, ආරක්ෂා කරමින් බලගැන්වී ඇති ඝණ කාබනික ද්රව්ය ආනයනය කිරීම විෂයෙහි ක්රියාත්මක වී ඇති 1704 ප්රමිතිය ඉක්මවා යන අයුරින් “විශේෂිත පොහොර වර්ග“ ගෙන්වීම සඳහා නව ප්රමිතියක් සකස් කරන ලෙස එක්තරා රාජ්ය ඇමතිවරයෙකු කරන බලපෑම හේතුවෙන් කෘෂිකර්ම ක්ෂේත්රයේ වෘත්තිකයින් බරපතල අපහසුතාවයට පත් වී ඇතැයි විශ්වාසකටයුතු ආරංචි මාර්ග හෙළි කරයි.
මේ වනවිට පොහොර ලේකම් කාර්යාලය විසින් ප්රමිති ආයතනය වෙත නව ප්රමිතියක් සකස් කිරීම සඳහා වූ මෙම ඉල්ලීම ඉදිරිපත් කර තිබේ.
ආනයනික කාබනික පොහොර සඳහා දැනට පවතින 1704 ප්රමිතිය අවලංගු කිරීමට හෝ ඉවත් කිරීමට කෘෂිකර්ම විද්වතුන් පසුගිය සතියේ දී තරයේ විරුද්ධ වීමත් සමග මෙම විශේෂිත පොහොර කතාව කරලියට පැමිණ ඇත.
1704 ප්රමිතිය වෙනස් කිරීමට එරෙහිව ඇතිවුණු මේ විරෝධයත් සමග කෘෂිකර්ම ලේකම්වරයා ප්රකාශ කර තිබුණේ ඉදිරියේ දී හයිබ්රිඩ් පොහොර වර්ග ලංකාවට ගෙනඒමට සැලසුම් කර ඇති බවය.
කාබනික පොහොර හෝ රසායනික පොහොර ප්රමිතියට යටත් නොවන මෙම හයිබ්රිඩ් ලෙස හැඳින් වූ පොහොර සඳහා විශේෂිත ප්රමිතියක් සකස් කරන ලෙස පොහොර ලේකම් කාර්යාලය හරහා ප්රමිති ආයතනය වෙත රජව දන්වා සිටින්නේ මේ අතරය.
මේ වනවිට රසායනික හා කාබනික පරාසය තුළ පොහොර ආනයනය විෂයෙහි ඉතාම උචිත ප්රමිති සකස් කර බලගන්වා ඇති පසුබිමක විශේෂිත පොහොර සඳහා නව ප්රමිතියක් සකස් කිරීමට කරන මෙම බලපෑම හේතුවෙන් ප්රමිති ආයතනයත් බරපතල ගැටලුවකට මුහුණ දී ඇතැයි වාර්තා වේ.
කෙසේ වෙතත් කෘෂිකර්ම අධ්යක්ෂ ජනරාල් ආචාර්ය අජන්ත ද සිල්වා තරයේ ප්රකාශ කර ඇත්තේ රට තුළට ව්යාධි ජනක ක්ෂුද්රජීවියෙක් පැමිණිම වැළැක්වීමට සෑම අතින්ම කටයුතු කරනවා විනා එම විනාශ කිරීමට වක්රකාරව හෝ තමන් අනුබල නොදෙන බවය.
කියවන්න…
චීන පොහොර සමාගමින් ගෙන්වන්න යන හයිබ්රිඩ් පොහොර රටේ ප්රමිතිය මගහැරීමක් ද?- විද්වත්හු අසති!
