දිනසේන රතුගමගේ
දෙමළ ජාතික සන්ධානයේ සියලුම තනතුරු මෙතෙක් ඉලංකෙයි තමිල් අරුසු කච්චි පක්ෂය විසින් දරණ ලද නිසා එම පක්ෂයේ ප්රකාශක තනතුර හා ජාතික සංවිධායක තනතුර ටෙලෝ හා ප්ලොට් සංවිධානයට ලැබිය යුතු බව ප්ලොට් සංවිධානයේ නායක හා පාර්ලිමේන්තු මන්ත්රී ධර්මලිංගම් සිද්ධාර්ථන් ඊයේ ( 2 ) යාපනයේදී පැවසීය.
මාධ්යවේදීන්ට අදහස් දක්වමින් සිද්ධාර්ථන් මන්ත්රීවරයා කියා සිටියේ දෙමළ ජාතික සන්ධානයේ නායකයින් එම පක්ෂයේ ප්රකාශක තනතුර ටෙලෝ සංවිධානයේ මන්ත්රී සෙල්වම් අඩෙයිකලනාදන්ටත් ජාතික සංවිධායක තනතුර තමා වෙතත් ලබා දෙන බව පැවසුවත් මේ දක්වා ඒ පිළිබඳව කිසිදු සාකච්ඡාවක් හෝ එකගතාවයක් නොමැති බවයි.
තනතුරු පසු පස තමන්ට හඹා යාමට අවශ්යතාවයක් නැතත් පක්ෂයේ අනාගතය වෙනුවෙන් හා වත්මන් ක්රියාධරයින්ගේ අවශ්යතාවය මත දෙමළ ජාතික සන්ධානය නියෝජනය කරණ ටෙලෝ හා ප්ලොට් සංවිධානවලටත් තනතුරු බෙදී යාම සර්ව සාධාරණව සිදු විය යුතු බවද සිද්ධාර්ථන් මන්ත්රීවරයා පැවසීය.
එසේම මව් පක්ෂය එම තනතුරු ලබා දීමේදී ඔවුන්ට ස්වාධීනව කටයුතු කිරීමට හැකි පරිදි එම තනතුරු වල බලය අඩු කොට ලබා දීම අනිවාර්ය බව පවසන මන්ත්රීවරයා මේ තනතුරුවල බලය අඩු කිරීමට මේ දිනවල දෙමළ ජාතික සන්ධානය තුළ කථිකාවක් පවතින නිසා තමන් ඒ ගැන කතා කරණ බවද මේ සකච්ඡාවේදී කියා සිටියේය.
