-
නුවර පාර පැය 24ක් වහලා දාලා… භාවිතා කළ හැකි විකල්ප මාර්ග ගැන උපදෙස්… උසස් පෙළ සිසුන්ට විශේෂ ආරක්ෂිත ප්රවාහන පහසුකම්… සුන් බුන් ඉවත් කර මාර්ගය පාදා ගන්න මෙහෙයුම් අරඹයි. ඊයේ අනතුරින් මරණ 6ක්… 04කට අසාධ්යයයි…
පහළ කඩුගන්නාවේ ඊයේ හදිසි ආපදාවට ලක් වූ ප්රදේශ මේ වන විට යථා තත්ත්වයට පත් කිරීමට බෙරගල යුද හමුදාව මැදිහත්වීම මත සිදුකෙරෙමින් පවතින බැවින් ඉදිරි පැය 24ක කාලය තුළත් කොළඹ – මහනුවර ප්රධාන මාර්ගය පහළ කඩුගන්නාව ප්රදේශයෙන් වසා දැමීමට පියවර ගෙන ඇති බවත්, ඒ අනුව අදාළ මාර්ගය භාවිත කරන රියදුරන් මේ සඳහා විකල්ම මාර්ග භාවිත කළ යුතු බවත් ජාතික ගොඩනැගිලි පර්යේෂණ සංවිධානය පවසයි.
කොළඹ සිහ කුරුණෑගල හරහා මහනුවර දක්වාත්, කොළඹ සිට කරඬුපන හරහා මහනුවර දක්වාත්, කොලඹ සිට මාවනැල්ල, හෙම්මාතගම, ගම්පල හරහා මහනුවර දක්වා මෙන්ම කොළඹ සිට මාවනැල්ල, ගනේවත්ත හන්දියෙන් කොවිල් කන්ද හරහා පිළිමතලාව, මහනුවර දක්වාත් වූ විකල්ප මාර්ග භාවිත කළ හැකි බව එම සංවිධානය දැනුම් දෙයි.
එමෙන්ම හෙට (24) දින පැවැත්වීමට නියමිත උසස් පෙළ විභාගය සඳහා මහනුවර ප්රදේශයට සහ කඩුගන්නාව ප්රදේශය වෙත යන දරුවන් සඳහා ප්රවාහන පහසුකම් මාවනැල්ල සහ කඩුගන්නාව ඩිපෝ මගින් ආරක්ෂිතව සලසා දීමට කටයුතු යොදා ඇතැයිද එම සංවිධානය සඳහන් කළේය.
තවද මෙම නායයෑම් ප්රදේශය නැරඹීම සඳහා සාමාන්ය ජනතාව පැමිණීමෙන් වැළකී සිටින ලෙස කෑගල්ල දිස්ත්රික් ලේකම්වරයා උපුටා දක්වමින් ජාතික ගොඩනැගිලි පර්යේෂණ සංවිධානය නිකුත් කළ නිවේදනයේ වැඩිදුරටත් සඳහන්ව තිබේ.
සිද්ධියෙන් පුද්ගලයින් 6 දෙනෙකු මියගොස් තවත් පුද්ගලයින් සිවු දෙනෙකු තුවාල ලබා රෝහල් ගත කිරීමටත් පියවර ගෙන ඇත.
ඊයේ පෙරවරු 9.00ට පමණ පහළ කඩුගන්නාව, ගනේතැන්න ප්රදේශයේ නිවසකට යාබදව පවත්වාගෙන ගිය රොටී කඩයක් මතට මතට පස් සහ ගල් පෙරළීමෙන් මෙම අනතුර සිදුව තිබුණි. නිවැසියන් මෙන්ම එම අවස්ථාවේ උදෑසන තේ බීමට මෝටර් රථයක පැමිණි සිවු දෙනෙක් අනතුරට පත් වුහ.
මෙම සිද්ධිය සිදුවූ වහාම යුද හමුදාවේ භට පිරිස් සමග එක්ව සුන්බුන් අතර සිරවූවන් සෙවීම සඳහා දැවැන්ත මෙහෙයුමක් ආරම්භ කෙරණු අතර ඒ සඳහා යුද හමුදා භට කණ්ඩායමක්ද යෙදවීමට පියවර ගැනුණි.
