අලුතින් රාජ්ය සේවයට බඳවා ගන්නා සේවකයින් වෙනුවෙන් දැනට පවතින විශ්රාම වැටුප් ක්රමය වෙනුවට දායකත්ව විශ්රාම වැටුපක් හඳුන්වා දීමට ජනාධිපතිවරයා විසින් කළ යෝජනාවට ඊයේ (27) කැබිනට් මණ්ඩල අනුමැතිය හිමි වී තිබේ.
ඒ සඳහා ජාතික දායකත්ව විශ්රාම අරමුදල නමින් අරමුදලක් පිහිටුවීමට යෝජනා වී ඇත.
මෙම අරමුදලට සම්බන්ධවන නව රාජ්ය සේවකයින්ගේ මූලික වැටුපින් සියයට 08ක් සහ සේවා යෝජකයාගෙන් සියයට 12ක් මාසිකව යෝජිත අරමුදලට බැර කරනු ඇත.
යෝජිත දායකත්ව විශ්රාම වැටුප් අරමුදල කළමනාකරණය කිරීම පිණිස කළමනාකරණ මණ්ඩලයක් මගින් පාලනය කරන ස්වාධීන ආයතනයක් පිහිටුවීමට නියමිතව තිබේ.
අරමුදල කළමනාකරණය සඳහා විශේෂ සුදුසුකම් සහිත අරමුදල් කළමනාකරුවෙක් පත් කිරීමට යෝජිතය.
යෝජිත දායකත්ව විශ්රාම වැටුප් ක්රමයට ඉදිරියේ දී රාජ්ය සේවයට සම්බන්ධවන සේවකයින්ට අදාල වනු ඇත.
වර්ෂ 2016 ජනවාරි මාසයෙන් පසු රාජ්ය සේවයට බඳවා ගන්නා ලද සේවකයින් රජය විසින් තීරණය කරනු ලබන විශ්රාම වැටුප් ක්රමයට යටත් විය යුතු බවට වන විධි විධාන ඔවුන්ගේ පත්වීම් ලිපිවල ඇතුළත් බැවින් තම අභිමතය පරිදි යෝජිත ජාතික දායකත්ව විශ්රාම වැටුප් ක්රමයට සම්බන්ධ වීමට ඔවුන්ට ද හැකියාව තිබේ.
