මනම්පිටිය නිමල් ජයරත්න
හිඟුරක්ගොඩ ප්රාදේශීය ලේකම් කොට්ඨාසයේ ග්රාම සේවා වසම් හතරක පවුල් අටදාහකට ආසන්න සංඛ්යාවකට, පොලිස් රාජකාරී කටයුතු සිදු කිරීමේදී මින්නේරිය පොලිස් ස්ථානය සීමා නිර්ණ කොමිෂන් සභාව මගින් නම් කිරීම නිසා තමන්ට බලවත් අසාධාරණයක් සිදුව ඇති හෙයින්, එම පොලිස් රාජකාරි කටයුතු හබරණ පොලිසිය මගින් සිදු කරදෙන ලෙසට බලකර, ගම්මාන හතරක ජනතාව ප්රධාන මාර්ග තුනක් හබරණ මංසන්ධියෙන් අවහිර කරමින් අද (25) විරෝධතාවයක නිරත වූහ.
මෙහිදී විරෝධතා කරුවන් විසින් කොළඹ ත්රිකුණාමලය මාර්ගය, කොළඹ අනුරාධපුරය මාර්ගය, සහ කොළඹ මඩකලපුව පොළොන්නරුව මාර්ගය හබරණ වටරවුමේ දි අවහිර කර විරෝධතාවය ප්රකාශ කළහ.
පරිපාලන දිස්ත්රික් මායිම් පදනම්ව හබරණ පොලිස් බල ප්රදේශය යටතේ පාලනය වූ හිඟුරක්ගොඩ ප්රාදේශීය ලේකම් කොට්ඨාසයට අයත් අංක 29,30,31,32, යන ග්රාම නිලධාරී වසම් හතරට අයත් පවුල් හත්දහස් නවසීයක් මෙසේ පීඩාවට පත්වන බවත් මේ අනුව මෙම සීමා මායිම් නිර්ණය වෙනස් කිරීමෙන් තමන්ට කාලය ධනය, ශ්රමය, වැය කරමින්, කිලෝමීටර් 25 ක් 30 ත් අතර දුරක් ගෙවාගෙන මින්නේරිය පොලිසියට යෑමට සිදුවන බවත් විරෝධතා කරුවෝ කීහ.
මෙම විරෝධතාවය නිසා එම මාර්ගවල ගමනාගමන කටයුතුවලට පැයක පමණ කාලයක් බාධා එල්ල වු අතර මගී ජනතාව දැඩි අසීරුතාවට පත්වීමත් සමග පොලිසිය පැමිණ විරෝධතකරුවන් ඉවත්කර වාහන ගමනාගමන කටයුතුවලට අවස්ථාව ලබා දුන්නේය.
