නේපාලයේ අධ්යාපනය, සෞඛ්ය හා පානීය ජල ක්ෂේත්ර වෙනුවෙන් ඉන්දීය ආධාර යටතේ ව්යාපෘති තුනක් ක්රියාත්මක කිරීම වෙනුවෙන් එරට රජයේ ෆෙඩරල් කටයුතු සහ සාමාන්ය පරිපාලන අමාත්යංශය හා නේපාලයේ ඉන්දීය තානාපති කාර්යාලය අවබෝධතා ගිවිසුමකට අත්සන් තැබීය.
මෙම ව්යාපෘති තුන යටතේ උදයපූර් දිස්ත්රික්කයේ ද්වීතියක පාසලක් වන ශ්රී ජනතා බාලක පාසලේ ගොඩනැඟිලි සෑදීම, සොලුඛුම්බු දිස්ත්රික්කයේ න්ගොන්ගා තෙන්ච්වොක් චෝහෝලින්ග් භාවනා මධ්යස්ථානය ගොඩනැඟීම හා ඩාඩින්ග් දිස්ත්රික්කයේ ජල ව්යාපෘතියක් ක්රියාත්මක කිරීම සිදු කෙරේ. මේ ව්යාපෘති සඳහා නේපාල් රුපියල් මිලියන 101.79ක් ගත වෙන බවට ඇස්තමේන්තු බලා ඇතැයි ‘ඒඑන්ඒ වෙබ් අඩවිය’ වාර්තා කරයි.
මෙම ව්යාපෘති තුළින් නේපාලයේ ජනතාවට වඩාත් උසස් තත්ත්වයේ අධ්යාපනයක්, සෞඛ්යය හා පානීය ජල පහසුකම් ලබා ගනු හැකි වෙතැයි කත්මණ්ඩු නුවර පිහිටි ඉන්දීය තානාපති කාර්යාලය මාධ්ය නිවේදනයක් නිකුත් කරමින් පවසා තිබේ.
එලෙසම ඉන්දියාව හා නේපාලය අතර බැඳීම මේ හරහා වඩාත් ශක්තිමත් වෙන බවත්, ඉන්දියාව සහ නේපාලය පුළුල් පරාසයක සහ බහු ආංශික සහයෝගීතාවයක් බෙදා ගන්නා බවත් අවධාරණය කෙරිණි.
