විශේෂ කාර්ය බලකාය දකුණු පලාත් විශේෂ මෙහෙයුම් ඒකකයේ නිලධාරීන්ට ලද තොරතුරක් අනුව ඊයේ (30) මුලටියන සහ මාකඳුර ප්රදේශයේ දී සිදුකළ වැටලීමක දී දකුණු පළාත භීතියට පත්කරගෙන සිටි මාකදුරේ මදූෂ්ගේ ප්රධාන ගෝලයකුවන සංවිධානාත්මක අපරාධකරුවකු වූ රොටුඹ රසිකගේ ගෝලයන් සිව් දෙනෙක් අපරාධ සදහා යොදා ගන්නා AK47 වර්ගයේ ගිනි අවියක්, ඇමෙරිකාවෙ නිෂ්පාදිත අති නවීන පිස්තෝලයක් සහ ජීව උණ්ඩ සමඟින් පොලිස් විශේෂ කාර්ය බලකායේ අත්අඩංගුවට පත් වී තිබේ.
හෙරොයින් ග්රෑම් 12 මිලි ග්රෑම් 80 ද සමග මෙසේ අත්අඩංගුවට ගෙන ඇත්තේ මුලටියන සහ මාකදුර ප්රදේශයේ පදිංචි වයස අවුරුදු 36, 43, 44, 51, වන පුද්ගලයන් සිව් දෙනෙකි.
සැකකරුවන් වැඩිදුර විමර්ශන කටයුතු සඳහා තිහගොඩ පොලිස් ස්ථානය වෙත භාර දී තිබේ.
මෙම ගිනි අවි සහ පතොරොම් මාකඳුරේ මධුෂ් ගේ ගෝලයෙක්වන, දැනට ජීවිතාන්තය දක්වා සිර දඬුවම් විඳිමින් බූස්ස අධිආරක්ෂිත බන්ධනාගාරයේ පසුවන රොටුඹේ රසිකට අයත් බව අත්අඩංගුවට ගත් සැකකරුවන්ගෙන් වැඩිදුර ප්රශ්න කිරීමේ දී අනාවරණය වී ඇත.
අත්අඩංගුවට ගන්නා ලද පුද්ගලයින් හරහා මෙම ගිනි අවි සඟවා තබා රොටුඹ රසික මෙහෙයවනු ලබන අපරාධ සඳහා ගිනි අවි සැපයීම සිදුකර ඇතැයි අනාවරණය වන බව විමර්ශන අංශ කියයි.
තිහගොඩ පොලිසිය වැඩිදුර පරීක්ෂණ පවත්වයි.
